طعم النجاح حلو ، وأنك تبقي مُختلف ومُميز عن أي حد أحلي ، وأنك تبقي بتعمل الحاجة إلي بتحبها أحلي وأحلي ، في جملة جميلة بتقول " لا يمكن تحقيق النجاح ، إلا اذا أحببت ما تقوم به " ، أنت عمرك ما هتنجح ولا هتوصل لِحاجة لو أنت مش حابب الحاجة اللي في ايدك ، او اللي أنت بتعملها ، مُهم أوي ان أحنا نختار الحاجة اللي بنحبها ، ندرس الحاجة اللي احنا عاوزنها ، نشتغل الشُغلانة اللي احنا شايفين نفسنا فيها.
اقرأ أيضًا: التفاصيل
نسعي وننحت في الصخر علشان نوصل لِأهدافنا ، ونحقق نجاح عظيم ومُميز ، وعادي لو وقعت ، بس خليك اد المسؤلية و اد ان نجاحك وحلمك يستاهلوُا وقوم ، وعافر ، وكَمل ، واياك تستسلم لِ الصعوبات او للظروف المُحيطة بيك.
اقرأ أيضًا: وجودك حياه
ومن الحاجات الأساسية أنك تبقي حاطط هدف واضح لحياتك او لحلمك ، تبقي راسم الموضوع بحرفنه ، تبقي عارف كويس أنت عاوز اية ، ولو بقيت مُشتت صدقني مش هتوصل ، فا ليه؟ اقعد واظبط الدنيا وارسمها بحرفنه علشان توصل ، وماينفعش ابدًا تحط خطة بديلة علشان لو عملت كدا مش هيكون عندك الشغف انك تحقق حلمك وتنجح وتبقي شخص مُميز وعظيم ،.
اقرأ أيضًا: اللقاء صدفة أم قدر .
وكُلنا عندنا طاقة بس الشطارة انك تروض طاقتك دي صح ، حلمك ونجاحك الجميل يستاهلوُا التعب ألف مرة علشان توصل ، بس علشان توصل لازم تتعب وتضحي ، مافيش نجاح بيجي وأنت قاعد ، لازم تتعب وتعافر علشان تحس انك عملت انجاز او حققت نجاح ، ودايمًا خلي عندك يقين في ربك انك هتنجح وهتوصل ، ولما تحقق نجاح مُعين هتطمع وتتعب أكتر علشان طعم النجاح حلو وحط قُدام عِنيك جُملة " النجاح يُولد من رَحم المُعاناه "، أنت قوي وتستطيع ان تُحقق النجاح بسهولة ، فقط اجتهد ، ولكل مُجتهد نصيب .