خلاص يا دنيا تبت خلاص
أنا تعبان وكلي جــــــــراح
حبايبي بجد تعبونـــــــــي
ملوني ألم كمان وجراح
دموعي كلها منهم
وقلبي انكسر منهم
ودمعي تملي على خدي
وبتمنى البعاد عنهم
أنا كنت السند ليهم
أنا كنت الوحيد فيهم
زرعت الحب بإيديا
وعَمرت كمان لياليهم
سقوني القسوة بالقوة
وقالوا ضعفي مش قوة
حناني كان مغرقهم
ودمعي تملي كان ليهم
سهرت معاهم الأيام
أربي وأكبر أنا بحنان
ورغم الحب والاحسان
كسروا القلب بأسية
بعيد عنهم أنا هرتاح
وهفرح تاني م الأول
هعيد الضحكة في حياتي
وهمسح دمعتي مني
وبكرا تعلمهم الأيام
وييجوا لعندي من تاني
ولكن قلبي اللي عاش ليهم
صبح عاقل معدش أمان
