الفصل الاول : نقطه التحَول
__________________
عمرك فكرت إن ممكن حاجة مبتتحركش ولا بتتكلم ولا أي حاجه تؤذيك؟
عمرك فكرت إن جماد بيؤذي وإن مش كل حاجه حوالينا عشان مش بتتحرك أو بتتكلم يبقي كدا أنت لوحدك .. أحب أقولك لا أنت مش لوحدك حتي لو حواليك جماد!!
______
اسمي محمود عندي 26 سنه .. خاطب حنين عندها 25 سنه احنا الاتنين شغالين في شركه استيراد وتصدير وبنحب بعض من الجامعة أمي و أبويا توفوا في حادثة من 3 سنين كدا و عندي أخ أصغر مني عنده 22 سنة
ظروف الشغل مش مخلياني عارف أتجوز بسرعة وكمان لأني لسة بصرف علي أخويا اللي في جامعة وكيلة طب ف الموضوع كله صعب ومعقد بس الحمدلله عندي شقتي وبجهزها دلوقتي ..
في يوم كنت أنا وحنين ماشيين بنجيب حاجات للشقة واحنا ماشيين شوفنا محل كدا فى شارع جانبي حنين شدها أوي كرسي جوا قالتلي: محمود تعال كدا ندخل المحل دا
محمود: اشمعنا يابنتي يعني سايبه المحلات الكبيرة كلها وجاية تدخلي المحل اللي تقريبا عنده حاجات قديمة دا
حنين: تعالى بس طيب
روحت وراها ودخلنا المحل كان قاعد فيه راجل كبير فى حدود ال 70 سنه كدا أو أكتر كمان وقولتله:سلام عليكم
رد وقال: وعليكم السلام اؤمر
محمود: الأمر لله يا حاج هي اللي بتشوف والله
فى الوقت دا حنين كانت بتبص علي اللي شدها أوي .. وكان كرسي
أيوه فعلا هو كان كرسي بس قديم جدا تحسه عامل زي الكراسي الأثرية كدا بس كان شكله غريب جدا
حنين موجهة كلامها للراجل: بكام الكرسي دا
الراجل: دا يابنتي ب 150 جنيه
____
اقرأ ايضاً /الثبات على الطاعة بعد رمضان
____
حنين: كام؟؟ ليه رخيص كدا
الراجل: يابنتي الحاجات دي قديمة محدش بيشتريها خالص
حنين: لا أنا هديك فيه أكتر من كدا أصل حرام أنت كدا بتخسر
الراجل: لا يابنتي هو أنا ببيع كدا
محمود مقاطعا حنين اللي كانت لسه هترد: خلاص ياحنين بقي .. ها هتجيبيه
حنين: آه
خدنا الكرسي وقولتلها: إحنا كدا مش هينفع نمشي بيه فى الشارع ونلف تعالي ناخده ونروح
حنين: ماشي يلا
وقفت تاكسي وخدنا الكرسي وأول ما طلعنا علي الطريق الرئيسي واحنا ماشين فجأه العربية اتقلبت بدون أي سبب!!! أيوه دا اللي حصل العربيه اتقلبت بينا فجأه من غير ما حاجة تحصل
فوقت وأنا فى المستشفي سألت علي حنين قالو حالتها كانت صعبة بس لحقناها الحمدلله وعرفت اني بقالي هنا يومين سألوني هو حصل إيه بس أنا كان كل ردي معرفش والله معرفش حصل إيه أو إزاي حتي
بس حصل بقي حاجة غريبة أوي لقيتهم بيقولولي طيب إحنا لقينا كرسي كدا كان معاكم وهو تحت فى الأمانات
انا مكنش عليا غير حاله صدمه وبس وقولت : نعم ازاي يعني هو متكسرش
واحد من الدكاترة قال: لا هو سليم ومفهوش حاجه وانا استغربت زيك بردو بس عادي يعني مال حلال مبيضعش (وضحك)
انا كنت مستغرب جدا .. ازاي كرسي زي دا والعربية لما اتقلبت متكسرش أو أي حاجة بس خرجت الموضوع من دماغي وأهم حاجة أننا طلعنا منها كويسين سألت :هو حالة حنين إيه
الدكتور: حالتها مستقرة حاليا بس لسه مفاقتش
محمود: ليييه!؟؟
الدكتور: الخطبة كانت جامدة علي دماغها فأدت لمشاكل فى المخ شوية بس الحمدلله يعني لحقناها بس هي حاليا حالتها مستقرة بس لسه مفاقتش بس هتفوق قريب أكيد وأنت الحمدلله محصلكش حاجة هو شوية كسر بس في الرجل الشمال زي ما أنت شايف وكدمات و بس
محمود: طب هي هتفوق أمتي
_____
اقرأ ايضاً /ماذا لو جلبت لنفسك نفس غير نفسك لتطمئن؟!
_____
الدكتور: قريب صدقني المهم أنت ترتاح بس وأخوك بره هدخلهولك
محمود: تمام
عاصم أخو محمود دخل وقاله : ايه يابني حصل إيه بس
محمود: أنت عرفت منين أصلا
عاصم: هما كلموني من هنا وقالولي
محمود: قدر الله وماشاء فعل
عاصم: الحمدلله المهم أنكم بخير
محمود: الحمدلله
عاصم: إنما إيه يابني الكرسي دا بس جايبين كرسي من أيام الفراعنة
محمود: أنا مالي والله هي اللي عجبها ف جبتهولها اعملها ايه
عاصم: بس كرسي غريب اوي
محمود: اشمعنا
عاصم:شكله غريب كدا ومريب ولما قعدت عليه ومتسألنيش ليه بس جتلي رغبه كدا اول ما شوفته إني أقعد عليه .. لما قعدت حسيت بحاجة غريبة كدا
محمود: حسيت ب ايه ..........
-----------
إقرأ أيضاً\بريطانيا تفتح المدارس فى ظل أجواء فيروس كورونا.
----------------------
