الفصل الرابع" ما بعد المفاجأه" من روايه "تلاعب الأقدار"

          الفصل الرابع/ ما بعد المفاجأه

طبعٱ اول ما قالت الاسم انا كنت فرحان ومتوتر و في زهول مش عارف اعمل ايه طبعاً ده نفس الاسم الي عم منصور صاحب السوبر ماركت قالي عليه..

سهيله العمراني: إيه يا دكتور هتكشف عليا ولا اقوم امشي 

كرم: ازاي حضرتك أكيد هكشف إتفضلي حضرتك قوليلي بتشتكي من أيه!؟

سهيله العمراني:بدأت تقولي بتشتكي من ايه

 بعدين..كشفت عليها وكتبت ليها علي الدوا اللازم..وحددت ليها معاد استشاره كمان اسبوع وأكدت عليها انها لازم تيجي الاستشاره عشان ممكن نحتاج علاج طبيعي..

 خلصت كشف..

 سهيله العمراني: ندهت بنتها قالت يارا خدي الشنطه مني مش قادره اشلها واسنديني عشان ننزل..الكشف خلص ومشيو 

 انا كنت تايه وفي نفس الوقت لفت نظري إن. البنت اسمها يارا يعني اسم البنت مبقاش مجهول !

 لغيت كل المواعيد وروحت البيت مافيش في دماغي غيرها مش مصدق إن القدر جابها لحد عندي وده خيط همسك فيه عشان اوصل للنهايه..

أقرأ أيضاً/الفصل التالت المفاجأه من روايه تلاعب الاقدار

 ندهت أمي وحكتلها عشان كنت متلغبط وأمي اقرب حد ليا فبعد ما خصلت حكي 

 أمي وبضكك:مش معقول يا كرم لسه منستهاش ..علي العموم يابني القدر جمعك بيها تاني متضيعش الفرصه من ايديك وخليك 

كرم: أن شاء الله خير انا اديتها معاد الاستشاره وهفتحها ف الموضوع او هاخد معاد مع مامت البنت واتقدم ولا انتي شايفه اعمل ايه!!

امي:سيب يا حبيبي الظروف تمشي زي ماهي وشوف اخرتها إيه

كرم:ماشي..خير خير

عدت معاد الاستشاره ومجتش طبعا كنت هتجنن وقاعد مش علي بعضي ..جيه في دماغي أنه اكيد هي سايبه رقمها الخاص مع السكرتيره برا...

خرجت قولتلها في عندك في الكشف بتاع الاسبوع الي فات حاله اسمها سهيله العمراني؟؟

أقرأ أيضاً/اريوس متعطش الارواح

السكرتيره:ثواني يا دكتور هدور عليه وهدخل لحضرتك..

شويه ودخلت هي معاها الرقم ..قولتلها ممكن تتصلي عليها وتشوفيها مجتش ليه الاستشاره..

السكرتيره:حاضر يا دكتور..بس غريبه اول تعمل كده ما حاله عندك هو اي الموضوع!؟

كرم:خلصي بس وهقولك بعدين

السكرتيره: حاضر.. الو..الو حضرتك سهيله العمراني ..لا انا يارا بنتها مين حضرتك!؟

السكرتيره: انا سكرتيره دكتور كرم الوكيل دكتور العظام يا فندم ..والده حضرتك مجتش الاستشاره ليه انهارده؟؟

يارا: ماما توفت من اربع ايام!!

السكرتيره:لا إله إلا الله..البقاء لله يا فندم.

يارا:ونعمه بالله

قفلت وراحت قالتلي يا دكتور سهيله العمراني ماتت من اربع أيام

كرم:كنت في حاله زهول وخدت الرقم من السكرتيره وروحت البيت..

جيه في دماغي إني اكلم يارا واعزيها علي يعتبر إني دكتور عادي 

روحت فعلا متصل..

كرم: الو ..الو يارا معايا؟؟

يارا:ايوا حضرتك مين؟؟

كرم:انا دكتور كرم الوكيل دكتور العظام 

يارا: ايوا ايوا حضرتك محتاج حاجه!!

كرم: لا لا انا. السكرتيرة قالتلي ان. مامت حضرتك توفت قولت اكلمك اعزيكي واشوفك لو محتاج حاجه؟؟

يارا: ونعمه بالله ..شكرا يا دكتور كتر خيرك والله 

كرم:لو احتجتي حاجه كلميني والبقاء لله مره تانيه

يارا: شكرا يا دكتور..

قفلت معاها وانا حاسس ان الباب الي اتفتحلي اتقفل في وشي تاني..!

أقرأ أيضاً/الفصل الاول نقطه التحول من روايه الكرسي الملعون

بعد فتره كل شويه اقول اكلمها ومش بكلمها عشان متفهمنيش غلط..

عديت فتره طويله روحت كافيه مع صحابي مره كانوا بيحتفلو بعيد ميلادي .. وانا اصلا مبحبش جو الكافيهات ده..بس روحت عشان محدش يزعل مني

روحت وقعدت مع صحابي واحتفلو بيا وفجاءه وإحنا قاعدين جت بنت ندهت عليا من ضهري وقالت دكتور كرم!!......