اسمي مكتوب بالرصاص
على حتة رخامة وقلب باش
ميت وأنا صغير أووي
وكان في دنيا معشتهاش
كنت بسمع عن الفرح من ناس وناس
وكنت بحلم أبقا منهم لو سعات
كان عندي أهل زيهم لكن كا شاش
مكنوش يشوفو دمع عيني لو نزل
أنا كنت عيل بس محتاج يتحضن
أنا كنت عايز أبقا زي زيهم
أفرح وأغني وعيش حياتي بحبهم
دلوقت كله جاي يقول بيحبني
بعد ايه جاي تقولي بعد ايه
مسمعتهاش طول حياتي.
فلما مت بتقولها ليه! هتفيد بإيه!
واسمي مكتوب بالرصاص
على حتة رخامة وقلب باش
فاكر زمان أيام ماكنت
أتعب عشان أوصل لهم
أفرح قلوبهم كلهم
وقلبي محتاج الفرح
كان قلبي أكتر قلب محتاج ان يعيش
كنت محتاج حد طيب يبقا صاحبي
يبقا من قلبي قريب
يحتويني يشيل همومي
يمسح الدمع ان يشوفه جوا عيني
مت وأنا مش لاقي حد يكون حاميني
واتكتب اسمي في صحيفة
ماتت آمال مات الأمل
ماتت في حادثة
ماتت غريبة
ماتت وحيدة
ماتت آمال
يا ملاك الموت تمهل
لسه كانت عايزة تفرح
لسه كانت عايزة تحلم
لسه دمع عينيها صاحي
لسه حزن القلب عايش
ليها أم بتبكي م القهر اللي ظاهر
مكنش ليها الا أم
وحدها كانت تضم
واخر الكلام
اتكتب اسمي على حتة رخام
مات وساب الامل وسط الزحام
وخلاص يا دنيا مفيش آمال
