معظم الشباب فى عصرنا بدأوا أنهم يلجأوا للسوشيال ميديا منهم الـ بدأ يعمل فيديوهات هادفة ومنها للترفيهه وغيره، أنهاردة هنعرفكم بشخصية من شخصيات السوشيال ميديا وكمان أثبت نجاحه في وقت قصير جداً وفيديوهاته حققت نسب مشاهدات عالية ووصلت لأكبر عدد من الناس وكتير منهم حبت محتواه ، ودلوقتى معانا طارق كمال صاحب أشهر مقولة "فوقي بقا فوقي" .
ـــ السلام عليكم يا طارق ممكن تعرفنا بنفسك أكتر ..
انا أسمي طارق كمال مصطفى عندي ٢٣ سنة اتولدت في السويس بس عايش في القاهرة ومتخرج من كلية التجارة.
ـــ عرفنا يا طارق أمتى دخلت مجال السوشيال ميديا وأى أول فيديو عملتهفى حياتك ؟
هو الموضوع كان في دماغي من ٤ سنين وأول فيديو قررت أعمله لما أخدت قرار أن هدخل في مجال السوشيال ميديا كان من ٤ شهور وكانت خلاص الفقرة بتتشال من دماغي بس ساعتها عملت فيديو "لعبة بابجي" لما النت يبقا وحش، ودي كانت البداية.
ـــ بتبقا محضر فكرة الفيديو بسكريبت ولا إرتجالي؟
في الأول كنت قدام الكاميرا وبرتجل بس حالياََ بكتب بسكربت قبل الفيديو على طول كأني برتجل بردو بس قدام الكاميرا عشان منساش.
ـــ اتعلمت ازاي المونتاج؟
لوحدي كنت بتعلم من على اليوتيوب بس.
ـــ كان في صعوبات بتقابلك فى البداية أو أمام الكاميرا ؟
اه طبعاََ، البداية دايما هي أصعب وقت، لأن بحتاج أن أفكر ازاي ألفت انتباه الناس ويتابعوني بس الحمدلله نجحت في دا وعجبت ناس كتير واتشهرت في وقت قصير، وبالنسبه للكاميرا كانت صعبة شوية في الأول بس عشان كنت بمثل في المسرح اتأقلمت بسرعة معاها.
ـــ أي السبب في اختيار طارق كمال للكوميديا؟
ناس كتير قالولي عندك قبول وإني كويس في الكوميديا وانا مكنتش شايف دا بس بعد كدا لاقيت أنه عجب ناس كتير.
ـــ بتتعامل ازاي مع الانتقادات إلى بتتوجهلك؟
¶ معظم الأوقات بتجاهل لأني مش بعتبرها انتقادات أصلاََ .
¶ وفي بعض الناس كانو بيغلطو فيا من غير وجه حق بس بالرغم من دا مأثروش فيا.
_ احكيلنا ٣ حجات تتجنب بيها الكراهية وخسارة متابعينك؟
¶ مبقاش تنك
¶ دايماََ أتابع تعليقاتهم.
¶ وارد على متابعيني
_ أي أهدافك إلـ بتسعى ليها على السوشيال ميديا؟
•° الحقيقة على أمل أن أبقى ممثل ولكن لو محصلش هكمل في نفس طريقي وهدخل مجال اليوتيوب قريب وناوي بعد كدا يبقا دا شغلي أن شاء الله.
ـــ لو بدلنا الأدوار وكنت أنت شخص من معجبين طارق كمال تحب تقوله أي؟
أحب أقوله أنك بتعمل حاجة محدش بيعرف يعملها زيك في المونتاج وبتخلي إلى بيتفرج عليك ميبقاش عايز يغمض عينه عشان ميفتهوش حاجة.
ـــ كلمة أخيرة تحب تقولها؟
عايز أقول أنى مش هبطل أنجح و أجرب و شغفى مش هيقل و هكمل لوحدى أصور و أكتب و أعمل مونتاچ لنفسى، وعايز أقول لكل اللى عايز يبدأ و خايف ابدأ بدل ما يجى عليك وقت و تقول يارتنى كنت بدأت.
•° بشكرك جداََ يا طارق وإن شاء الله تحقق هدفك لأنك شخص مجتهد وأثبت دا في وقت قصير.
- متشكر جداََ ولله، أشكرك.
