مساء الخير والسعاده عليكم متبعين جريده شمس مصر في كل مكان معانا النهارده الكاتب المتميز أحمد حجازي أهلا بحضرتك يا استاذ أحمد انا سعيده بوجودك معايا.
اهلا بحضرتك يا استاذه دنيا انا أسعد بوجودي مع حضرتك
تسلم يا احمد ممكن تعرفنا بنفسك!
طبعا يااستاذة دنيا
انا إسمي / أحمد حمدي حجازي
عندي / 21
موهبتي / الكتابه
بلدي/ مصر
من محافظه/ البحيره مركز أبو المطامير
مؤهلي الدراسي انا طالب في كليه التربيه شعبه الجغرافيا
كيف اكتشفت موهبتك؟ من وانا صغير وانا بحب الكتابه انا واخدها ك هوايه لاني فعلا بحبها من وانا في المرحله الاعداديه تحديدا إكتشفت إني إسلوبي في الكتابه كويس ومن وقتها وانا بحاول دايما اتطور من نفسي
كيف قمت بتطويرها؟ الحمدلله لله قدرت إني اتطور من نفسي انجزت الكتير من المتطلبات اللي كانت ناقصه عندي بحاول دايما أتعمق في مجال الكتابه علشان دي هويتي الي بحبها وبحاول دايما أتطور من نفسي فيها وعندي يقين في ربنا إنه دايما هيقف معايا
ماهي أهم أعمالك / 1- باحث اثري لدي فريق تاريخ واثار ومسؤول لجنه صحافه لكتابه المقالات التاريخيه ومسؤول أيضا عن تنظيم الزيارات الميدانيه الخاصه بالفريق
2- عضو هيئه التدريب والتثقيف لدي حزب مستقبل وطن في الأمانه العامه بالبحيره.
ماهو أخر عمل قمت به من موهبتك؟ أنا حاليا بجهز لفكره جديده هتكون خطوه نجاح ليا إنشاء الله بس دي هتكون مفجأه
مين بيشجعك؟ اهلي هما أكبر داعم ليا وهما الدعم الوحيد
هل واجهت صعوبات؟ أكيد طبعا واجهتني ولسه بواجهه صعوبات في بدايه الأمر كان صعب اتخطي اي مشكله تقبلني لكن حاليا بقيت أكتر واعي وبقيت قادر فعلا اوجهه أي مشكله توجهني بلعكس كمان بحاول اتعلم منها
كيف تغلبت عليها؟ ربنا سبحانه وتعالي دايما ثقتي فيه كبيره ودايما لما بواجهه اي مشكله ببقي متاكد إنها هتعدي بفضل ربنا وكرمه
ماهي طموحاتك في المستقبل؟ اتمني اني بعد التخرج أشتغل في شركه كويسه وبعد فتره من العمل في مصر بتطلع اني اسافر دوله اوربيه وكمل حياتي هناك
قم بتوجيه رسالة للشباب المبتدئة؟ دايما خلي هدفك قدامك وحاول دايما إنك توصله تأكد إنك هتقع مره واتنين وتلاته بس خليك دايما صابر وبلاش تيأس متخليش حد يحبطك او يحاول يقلل منك خليك واثق في نفسك لأن انت شخص ناجح.
في النهايه بشكرك يا استاذ احمد وبتمني ليك التوفيق فيما هو قادم وطبعا بشكركم متابعين جريده شمس مصر
