دايما الناس بعد الأكل تقولك عاوزين نحبس بكوباية شاي، لكن الحقيقة. انت يعتبر بتسلك وتسهل معدتك وجهازك الهضمي مش بتحبس. تعالوا نفهم ازاي… وايه هي فوائد وتعليمات شرب الشاي:
علميا الشاي فعلا فيه مواد مُهضمة، تساعد الأكل والشرب يتحرك احسن واسرع في جهازك الهضمي، عشان كدا بعد الأكلة التقيلة وتشرب وراها شاي بتحس انك احسن… فالشاي يعتبر مُهضم فعال.
ولكن الشاي يحتوي على مواد ممكن تعطل أو تقلل من امتصاص الحديد من جسم الانسان، الي هو اصلا تقريبا اقل حاجة الجسم بيقدر يمتصها من الاكل… فدايما لازم تشرب الشاي بعد الاكل على الاقل ب 45 دقيقة.
شرب الشاي من الحاجات الي ليها علاقة بال
Longevity (الاعمار بتاعت ربنا) أو زيادة عمر الإنسان.
شرب الشاي مفيد صحياً جداً، كمضاد للسرطانات، وكمضاد اكسدة وداعم للمناعة بشكل كويس.
كل الكلام اللي فات ينطبق على الشاي بتاعنا الأحمر/الأسود وينطبق على الشاي الأخضر، ولكن فيما يخص الجانب الصحي فالشاي الأخضر أقوى وأفضل، وخصوصاً فيما يخص منع تصلب الشرايين، وتحسين معدلات الكوليسترول في الدم.
––––––
اقرأ أيضاً:أنواع الأطعمة التي ستبدأ بها الأم مع طفلها.
––––––
متنساش ان ليك 3 معالق سكر ابيض في اليوم على الاكثر، فكتر الشاي لو بتشربه مسكر هيكون ضرره أكبر من نفعه.
كوبايتين تلاتة شاي في اليوم معاهم +10 معالق سكر، كدا شرايينك هتصوت 😁
فأنت الكوباية معلقة سكر واحدة حلو جدا، وياريت تبدل السكر الأبيض بسكر دايت استيفيا 3 - 5 معالق ف اليوم كله هيكون افضل واحسن.
خلاصة المقال: الشاي فعلا بيهضم بعد الاكل وبيفرق وبالبلدى بيحبس، ولكن بعد الأكل بساعة.
الشاي الأحمر تشرب كوباية في اليوم او اتنين بالكتير، وكوباية في اليوم أو اثنين من الشاي الأخضر، الشاي الأخضر مفيد جدا جدا. خلي بالك من السكر وافتكر ان اصعب عدو لجسم الانسان وأُس المشاكل الأساسي هو السكر الأبيض.
––––––
اقرأ أيضاً:التربيـة والأطفـال.
––––––
اخر حاجة:
جرب تضيف عود قرفة على كوباية الشاي بتاعك، بدل الشاي بالنعناع يكون شاي بالقرفة، وافتكرني وهتدعيلي، القرفة يعني نشاط دورة دموية ويعني طعم عظيم.
بدل القرفة ممكن كام حباية قرنفل، الغني جدا بمضادات الاكسدة والمسكنات الطبيعية، وليه دور مهم في تنظيم وتحسين معدلات الحرق.
قوم اعمل كوباية شاي واتدفى
