أسوأ عدو للإنسان هو العشم إنك تتعشم في حاجة أوي وتدعي لربنا بيها بكل عشم وفرحة وفجأه بين يوم وليلة عشمك يجيبك الأرض هل العيب فينا إن اتعشمنا ولا في الأشخاص اللي اتعشمنا فيهم ؟
العشم في كل حاجة في الحياة خذلانه صعب زي عشمك في شخص إنه يستحيل يوجعك أو يخذلك أو إن تفكر أن شخص هو عوض ربنا ليك وتتعشم أوي وفجأه فين الشخص فين العوض في غمضة عين مبنلاقيش حاجة عشمك في شغلانة عشمك في حياة أحسن
العشم اللي بيطلعك سابع سما وتتحدف تنزل علي جدور رقبتك مين فينا متعشمش أوي وعشمه خانه
عشمك إنك في مكانة كبيرة أوي عند اللي قدامك وتكتشف إنك حتي الهامش ده مش فيه أصلا .. طب هل عشمنا بيجي علي أساس تعامل اللي قدامنا معانا ولا بتبقي خيالات في دماغنا !
==================
اقرأ أيضاً/تصميمات الجرافيك...بين العقل والإبداع
==================
العشم اللي لما بيجي من وراه خذلان بدون أسباب واضحة بيتحول لوحش تفكير بينتهك دماغك بينتهك روحك ويبدأ يتسلل الوجع لروحك بتجري من عشمك وتفكيرك ...
التفكير قادر يهلك حياة كاملة لشخص التفكير عبارة عن شخص بيستنزف في روحك وطاقتك وبس السؤال هنا ليه التفكير قادر يقضي علي إنسان ! ليه ممكن شخص يتحول لمريض نفسي بسبب التفكير...
طب هل فرط التفكير ده مرض نفسي أصلا ؟
الإجابة آه وله أنواع وتضاعفات كمان يوجد في الطب النفسي ما يسمي باضطراب التفكير أو اضطراب التفكير الشكلي أو ما يسمي بي(FTD) وده بيسبب للشخص مشاكل كتير في التفكير والمشاعر زي أنه يبقي بيعتقد عن حاجات مزيفة عن النفس وعن الآخرين وزي جنون العظمة إظهار مشاعر ملهاش علاقة بالموقف
الشخص اللي بيعاني من مرض اضطراب التفكير النفسي بيظهر في طرق تفكير غير مفهومة زي ممارسة لغة غير مفهومة في الكلام أو الكتابة وغيره كتير زي أنه يبقي بيهرب من أفكاره
طب في أنواع تانية من اضطراب التفكير أو فرط التفكير ؟ آه في
١:اضطرابات تمثيل الخيال
٢:الأفكار الثابتة أو الأفكار المتفشية
٣: الهوس
٤:الرهاب
٥: تشوهات التفكير
كل نوع من دول لي أعراض وأشكال مختلفة بتحصل للإنسان
وفي الآخر وصلنا لنقطة واحدة العشم والتفكير أسوأ أعداء للنفس البشرية
