تقارير وتحقيقات

|شمس مصر|.. حوار شمس مصر مع الكاتب فؤاد سامح

2022/02/03 11:38 PM | المشاهدات: 1231

ساره محمد

-في البداية أحب ارحب بحضرتك معانا في جريدة شمس مصر الإخبارية

•أهلًا بحضرتك، ده شرف كبير ليا والله

-الشرف ليا طبعًا

-ممكن تعرفنا بحضرتك؟

•أنا فؤاد سامح محمد، طالب نظم معلومات، عندي 21 سنة

-أهلًا وسهلًا بحضرتك

-ممكن اعرف موهبة حضرتك اي؟

•هي مش موهبه لكني متعلق بالكتابة

-قدرت تعمل أي عشان توصل للي حضرتك وصلتله؟

•في البداية قعدت 3 سنين أكتب ومحدش يشوف كتاباتي لحد ما خدت خطوة وعملت أكونت فيسبوك باسم غير اسمي وبدأت أنزل كتاباتي، في البداية لاقت إعجاب مكنتش متوقعه نهائي وده كان سبب ف إني أخد خطوة أكبر وأكتب الرواية والحمدلله وصلت للي أنا فيه بفضل من الله ودعم القراء

-مين أكتر شخص كان داعم ليك أول ما بدأت تكتب؟

•اتنين أصدقاء ليا هما أول اتنين آمنوا بيا ولولاهم مكنتش هوصل للي أنا فيه دلوقتي

-أكيد في الفترة دي قابلك كلام محبط عملت أي وقدرت تتخطاه ازاي؟

•لا خالص الحمدلله مكنش فيه أي كلام محبط كان فيه انتقادات اه لكنها إيجابية وبالعكس ساعدتني جدًا إني أكمل وأطور من نفسي

-قدرت تنمي الكتابة عندك ازاي؟

•بالقراءة المكثفة، ومحاولة سرد الواقع بيني وبين نفسي، يعني كنت بكتب حاجات ومش بنزلها وبعتبرها تدريب ليا

-أي أكتر نص من كتاباتك مميز بالنسبة ليك؟

•لا أعلم كم من الوقت يجب عليّ تحمُّل ذلك، الأمر منوط بقدر ما يحمله قلبي من حُب، هناك شيءٌ ما ينقصني، ربما أمل! ربما نسيان، ربما أنا.. ربما أنت، ومع ذلك أرىٰ أن الاحتماليين الآخريين مترابطين بشكل ما أو بآخر، فهما أقرب للصواب وهما ما يهلكونني في البحث المستمر، تلك الغصة التي لا تفارقني منذ رحيلك تكاد تفتك بي، ربما عليك أن تتلاشىٰ بداخلي ليحل السلام ولو قليلًا..

كل الألوان أصبحت باهتة.. كل الأشياء أصبحت أنت!

-شاركت قبل كده في معرض القاهرة الدولي للكتاب؟

•لا دي أول مرة أشارك فيه

-هتشارك بإيه السنة دي؟

•هشارك بروايتي الأولى "لورانيا" بإذن الله

-إن شاء الله

-أي اللي عاوز توصل ليه في يوم من الأيام؟

•مفيش إنسان بيحب يقف عند حد معين، الأحلام والطموحات كل يوم بتتغير وفـ تطور أكبر، فـ أنا مش حاطط حدود لسقف طموحاتي لكني أتمنى إن ربنا ينفع بيا الناس وأكون عند حسن ظنهم دايمًا

-ربنا يوفقك يارب

-كلمة حابب توجهها للكُتاب المبتدئين

•أحب أقولهم أن مفيش حاجة اسمها مستحيل، كل حاجة بتيجي مع الإصرار والوقت، اليأس مينفعش يخش حياتك لحظة أنت كمل وبإذن الله ربنا هيكرمك

-كلمة حابب توجهها لجريدة شمس مصر الإخبارية

•أحب أشكركم طبعًا على الحوار العظيم ده، حقيقي كان لي عظيم الشرف بيه والله وأتمنى ليكم التوفيق والنجاح دايمًا يارب

-أنا اللي حابة أشكر حضرتك والشرف ليا طبعًا عشان عملت حوار مع حضرتك وبالتوفيق دايمًا يارب لحضرتك

•يديمك والله العظيم

-آمين يارب ويديمك