تقارير وتحقيقات

|شمس مصر|.. شمس مصر في حوار متميز مع الكاتبة غنوة أحمد

2022/02/22 10:07 PM | المشاهدات: 1054

ساره محمد

-في البداية أحب أرحب بحضرتك معانا في جريدة شمس مصر الإخبارية

•أهلًا بحضرتك

-ممكن تعرفينا يحضرتك؟

•غنوة أحمد 19 سنة من محافظة الدقهلية مشروع كاتبة

-بدأتي تكتبي من امتى؟

•بدأت من حوالي تلات سنين.. كنت واخدة الكتابة ركن لطيف بفرغ فيه طاقتي السلبية، لكن بدأت اكتب للناس من شهور بسيطة

-مين أكثر شخص كان داعم ليكي؟

•في البداية كان الشاعر عمرو غزاوي، ورفيقة دربي فريدة وهي كاتبة بالمناسبة أما حاليًا في كذا شخص من أصدقائي بيشجعوني أكمل وأطور من نفسي

-في خلال الفترة اللي بدأتي تكتبي فيها اتعرضتي لكلام سلبي أو محبط أو أي انتقادات؟

•بالعكس أنا لقيت قبول الحمدلله من ناس كتير.. طبعًا الكلام السلبي موجود زي "الكتابة مبتأكلش عيش.. اعملي حاجة تفيدك في مستقبلك.. وهكذا" بس مش بركز معاه وبكمل

-حاجة من كتاباتك مميزة بالنسبة ليكي

•الحقيقة كلهم مميزين بطريقة أو بأخرى لأني مكتبتش حاجة من وقت ما بدأت إلا وكنت حساها جدًا

"ما عاد يحتمل"

وقف شامخًا رافعًا رأسه عنان السماء وتحدث أمامهم عن ماهية الصبر علي البلاء وكيف أنه صمد كثيرًا أمام جميع أوجاعه وخيباته المتكررة وأن أمله في أن يتحسن كل شيء لا يقل إطلاقًا، ثم حينما تركهم ورحل لم تتردد دموعه في الإفلات من بين تلك الجفون التي احتلها السواد من فرط الليالي الحزينة التي قضاها وحيدًا يبكي على خيباته المتكررة.

ولكن الخاطرة دي بتلمسني جدًا يمكن لأنها بتعبر شوية عن طبيعتي كشخصية كتومة

-شاركتي في معرض القاهرة الدولي للكتاب قبل كده؟

•لسه، لكن في نية اشارك قريبًا إن شاء الله

-إن شاء الله

-عاوزة توصلي لإيه في يوم من الأيام؟

•يبقالي كتاب بـ اسمي حتى لو واحد بس يتشاف كويس مش لغرض الشهرة ولكن لأني متأكدة أنه هيعبر عن ناس كتير زيي، وحاليًا دا اللي بسعى ليه

-كلمة حابة تقوليها للكُتاب المبتدئين

•متوقفش حلمك مهما سمعت كلام يحبطك لأن في الأول والآخر اللي هيحبطك هيكمل حياته ويطور نفسه ويكبر وأنت هتفضل محلك سر.. واكتب لأجل تعبر عنك وعن الناس لأن لو الهدف من الأساس شهرة وبس مؤكد هتفشل

-كلمة حابة تقوليها لجريدة شمس مصر الإخبارية

•شرف ليا إن أول حوار ليا يكون معاهم وسعيدة بوجودي مع صحفية متميزة زي سارة محمد

-أنا اللي بشكر حضرتك على الحوار ده متمنية ليكي دوام التوفيق والنجاح

•أشكرك