اسوان
إسلام:ها يا عمر مش ناوي تقولنا علي التعديل ولا ايه.
عمر:مش لما الهوانم يبطلوا تصوير وسيلفي بتبصي كده ليه يا مي اه انتو والله بكلم عليكم.
مي:افندم عاوز ايه ما استحاله نبقي في مركب في النيل وشايفين الجمال ده كله ونركز معاك.
أحمد:بصراحه عندك حق بس مجتش من دقيقه تركيز عشان نشوف هنعمل ايه في المشروع ونخلص.
ميرال:طيب احنا ركزنا اهو اتفضل اتكلم يا مستر عمر.
عمر:الدكتور عارف ان منطقة سقاره كلها معقدانا لاننا متخلفين وربطنا اللي حصلنا لما كنا هناك باللي حصلنا في الفندق بعدها عشان كده قرر إننا هنفضل هنا أسبوعين ندرس المواقع الأثرية اللي هنا عملي وبعدين هنروح الأقصر نقعد هناك أسبوعين وبعدين هنرجع القاهرة.
أيه: تصدق دكتور هاري ده طلع بيفهم لا حبيته.
مريم: بيفهم ايه طب كان قالي عشان كنت اعمل حسابي انا بشرتي كده هتبوظ حرام عليكم.
نظروا لها ببلاهه وانفجروا بالضحك.
القاهره
في إحدي الأحياء الراقية، بمبني شاهق الارتفاع يجلس منتظرا إياها، كان عقله منشغلا بكثير من الامور، ولكن قطع صوت أفكاره صوت إحدي مساعديه قائلا:
الدكتوره وصلت يا فندم
-خليها تتفضل و ما تحوليش اي مكالمات والغي كل مقابلاتي.
تمام بعد اذن حضرتك.
استأذن مساعده منسحبا من الغرفة، و طلت ضيفته بمظهرها الغامض.
-اخيرا ظهرتي.
_كانت أوامركم إني اختفي.
-و صدرت أوامر إنك تظهري تاني.
_هارولد سميث أو هاري، ده اللي خلاكم تصدروا أوامر بإني اظهر تاني مش كده؟!.
-انتي متابعه و مركزه كويس.
_الشغل معاكم علمني اني لازم اركز وافضل واخده حذري، خصوصا بعد اخر عمليه.
-الأوامر صدرت إنك ترجعي لمسقط رأسك، في ناس كتير في خطر و....
_ما تقلقش، في أول طياره هبقي عندهم، في أوامر تانية.
-خدي حذرك، هارولد هيشك فيكي اكيد.
وقفت أمامه وعدلت من هندمها ونظرت له بثقه وكبرياء.
_ما تقلقش أنا عارفة هتصرف معاه ازاي.
ادارت ظهرها له و كادت أن تغادر ولكن صوته استوقفها.
-ما تنسيش مريت كارت محروق حتي أسلوبها ما يتكررش.
_مريت عمرها ما كانت كارت محروق، مريت دايما الكارت الكسبان، انتو اصدرتوا الأوامر واللي منها أن ليا الصلاحيه الكاملة والحرية بالتصرف.
-بلاش تهور.
_ما تقلقش، أي أوامر تانية؟!.
-لا بس خليكي فاكره خدي حذرك وبلاش تهور.
لم يتلقي الرد، غادرته قبل أن ينهي حديثه، ضغط ع أحد الازرار ليأتيه الرد علي هيئة طرقات علي الباب.
-ادخل يا عمار.
عمار:مشيت؟!.
-اه وكعادتها حرقة دمي.
عمار:قالتلك ايه؟!.
-قالتلي ما تقلقش.
عمار:يبقي ما تقلقش.
-تمام تمام.
عمار: خايف عليها؟!.
-واخاف عليها ليه؟!.
عمار:المهم، صدرت أوامر انك هتسافر اسوان.
-لازم اسافر.
عمار:اه لازم الدكتوره لوحدها مش هتنفع لازم الباشا يبقي معاها، وبعدين ايه مش حابب تكون جنب اختك موحشتكش ونفسك تطمن عليها يا مهند.
اسوان
كان توتره جليا بشعر بأن كذبته ستنكشف قريبا، ولكن رأي رفيقاه فجذبهما بعيد عن الباقيين.
مي:ااااه اي يا عمر في ايه؟!.
اسلام:اي يا بني مالك وشك مخطوف ليه كده؟!.
عمر: بقولكم ايه انتو الاتنين بس اللي تعرفوا جدي وشوفتوه، ابوس أيديكم ما تفضحونيش جوا.
اسلام:في ايه يا بني هنفضحك ازاي وليه؟!.
عمر:اللي مع دكتور هاري جوا ده مش جدي.
مي: نعم؟! اومال جدك فين؟!.
عمر: جدي مش طايق دكتور هاري، ومش عاوز يقابله.
مي: ليه؟!.
عمر: مش عارف.
إسلام:انت قلقتني جدك مش هيعمل كده إلا لسبب كبيير.
عمر: وأنا حاولت أعرف منه السبب مش راضي، بس أنا كلمت حد من جدودي لعيلة أمي وهو جوا.
مي: طب كويس انك اتصرفت، و يلا ندخل عشان محدش ياخد باله.
إسلام: لا هما خدوا بالهم وميرال جاية هناك.
ميرال:اي ناويين تكشفوه عشان كده طولتوا؟!.
عمر:ها يكشفوا مين؟! تقصدي ايه؟!
ميرال:انت فاهمني كويس ويلا ندخل.
جذبت يد رفيقتها، وتبعها الشابان وجلسوا إلى جانب الجد المزيف.
مريم:لا بس حضرتك قمر جدا يا جدي.
الجد:تسلمي يا بنتي، بس دي مجاملة.
أيه:لا بجد حضرتك جميل ودمك خفيف اووي.
الجد:اومال لو شوفتوا الدكتوره جميله.
هاري:من جميله يا اومر.
عمر:اهي جميله لو سمعت اومر دي هتمسكهالي.
مريم:ما قولتش بردوا مين جميله.
عمر:جميله دي تبقي اختي.
مي:بس احنا لما جينا معاك مالقناهاش هي متجوزه؟!
عمر:لا مش متجوزه، بس مش فاضيه طول الوقت مشغولة بالدراسة.
الجد:الدكتوره جميله طول عمرها متفوقه، وكبارات البلد بيحترموها.
بلهجته الإنجليزية قال متهكما.
هاري: أظن أنها متكبرة بعض الشئ لذا هي ليست هنا اراهنك إنك لم ترها منذ سنوات.
عمر:لا لا جميله مش متكبرة ابدا، بس للاسف فعلا ما شوفتهاش من فتره بس مش هي السبب.
أحمد:بقالك قد ايه ما شوفتهاش؟!
لم.يستطع الرد فقد قاطعه صوتا انثوي بنبرة قوية ممزوجة بالاشتياق والحزن.
-اربع سنين بقالوا اربع سنين ما شافش اخته، اللي هي انا.
إقرأ أيضًا بداءت من النهارده
إقرأ أيضًا نفسي ومش بأيدي
إقرأ أيضًا ذكريات
