يلا يولاد علشان رايحين عند تيته
من اجمل الجمله إللى عدت عليا.. ليها معني خاص بيها.. سعاده لا توصف كنا بنستني يوم الجمعه دا بفارغ الصبر ...
تيته تيته ازيك يا تيته
ابطالى الحلوين جم
يلا بقي يا تيته احكي القصه
لسه يا حبايبي لما الباقي يجوا
.......عدي عشر دقايق و الكل جه ......
بدأت تنادي علينا و كالعاده بدأت تسأل ..
يلا يا ابطالى قولولى معني كلمه الصدق
انا انا يا تيته ..
قول يا معاذ
المس بتاعتي قولت ان معني الصدق هو اني اقول الحقيقه و مضحكش على إللى قدامي مهما كان مين علشان ربنا بيحب الناس الصادقه إللى مبيكدبوش...
شاطر يا معاذ ..كده بقي ابدأ اقول الحكايه..كان يما كان يا ساده يا كرام ما يحلى الكلام الا بذكر النبي عليه الصلاة والسلام
عليييه الصلااااااااه و السلااااام
في قديم الزمان يا احبائي و في قريه صغيره كان بيعيش فيها ولد '''مروان''' و امه ، في كل مره مامته تقولي روح هاتلى لبن من عند البقال بس متلعبش مع حد علشان اللبن ميوقعش منك و لانه بيسمع الكلام قالها حاضر يماما و في يوم من الأيام يا ابطالى و هو راجع من عند البقال لقي أطفال بيتخانقوا مع بعض و ....
.........................
اقرأ أيضا....الفصل الاول "نقطه التحول" من روايه " الكُرسي الملعون
تيته تيته هما ليه بيتخانقوا مع بعض مش المفروض بيحبوا بعض زي ما ماما قالتلى ان المفروض الاطفال ميتخانقوش مع بعض
صح يا مصطفي علشان كده المفروض يتعاقبوا علشان يفهموا ان دا غلط
و بتكمل تيته كلامها بس للاسف و هو رايح يشوفهم اتزحلق وقع و اللبن بقي على الأرض قعد يعيط و مش عارف هيقول ايه لمامته و في نفس الوقت عدي شاب و سأله بتعيط ليه فحكاله الموضوع كله فقاله خلاص قولها انك و انت ماشي في عيال جم اتخانقوا معاك و وقعوا منك اللبن فبصله مروان باستغراب و قاله انت عاوزني اكدب على ماما و ربنا يزعل مني انا هقولها الحقيقه ..
...........................
اقرأ أيضا....الفصل الأول "رواية لعنة ماريروكا"
الشاب بص فى الأرض و اتحرج من نفسه و مشي مروان و راح لمامته و قالها كل حاجه و حكلها كمان على الشاب إللى كان عاوزه يكدب بس هو رفض و بكل شجاعة حكي مروان الحقيقه ..و لان يا ابطالى الصدق دائما بينجي أصحابه من العقاب مامته سامحته و كانت فرحانه بيه كمان لانه مكدبش عليها و قال الصدق
.............................
اقرأ أيضا.....الفصل الثالث من رواية ميلاد شيطان...
علشان كده يا ابطالى لازم تعرفوا ان دائما الصدق منجي أصحابه....
يلا يا ولاد علشان نروح يلا سلموا على تيته بقي
حاضر يا بابا ، باي باي يا تيته و شكرا على القصه الجميله دي
اسمها السلام عليكم أو سلام + مع السلامه يا ابطالى مع ابتسامه رقيقه 😊😊
