الفصل الرابع / هل حقيقه أم حلم
صدمه الشخص في اقرب الناس فيه دايما بتبقي صعبه ومش متوقعه .. معرفتك للحقيقه بتوجعك وبتتمني لو مكنتش تعرفها اصلا وتفضل مغفل احسن ما تتوجع الوجع دا كله .. بس علي قد ما الصدمه دي بتوجع .. بتقويك وبتعلمك وبتديلك درس عمرك ما تنساه وبتخليك تتوقع بعدين الصدمه وتاخد بالك حتي من اقرب الناس ليك ....
____
اقرأ ايضا/الفصل الأول "رواية لعنة ماريروكا"
____
حنين.. طب طب ازاي .. انتي ازاي انا .. انا مش فاهم حاجه ازاي
حنين: مش فاهم ايه
محمود: انتي .. انتي عايشه ولا ميته .....وف ف فين عينك .. انا مش فاهم حاجه
حنين: عايز تعرف ايه
محمود:كل حاجه
حنين: الكرسي يامحمود .. الكرسي
حنين: كرسي ايه دلوقتي
حنين: الكرسي هو الحل... الكرسي .. الكرسي
محمود: كرسي ايه وحل ايه انا مش فاهم منك حاجه
حنين بدأ وشها يتغير و بدأت تتحول وعينها اللي مش موجوده دي تنزل سائل اسود وبدأت تصرخ بصوت وحش جدااااا وتقول: الكرررررسيييييي الكرررررررسسي
محمود من صعوبه الصوت حط ايده علي ودنه وقال : يااارب .. يااااارب انجدني يارب
في لحظه كل حاجه اختفت .. ومحمود لقي نفسه في المستشفي تاني بس المره دي رجله مش ملفوفه في الجبس ولا اي حاجه .. ضرب الجرز اللي جمبه دخلت ممرضه وبصتله بإستغراب وجريت تنده الدكتور وبتقول : يادكتوووور دا فاااق
محمود: فاق!!
_____
اقرأ ايضاً /الفصل الاول "نقطه التحول" من روايه " الكُرسي الملعون
_____
الدكتور جيه وبص لمحمود وقاله :حمدالله ع السلامه
محمود: هو حصل ايه انا بقالي كتير نايم ولا ايه
الدكتور بضحك: كتير ايه ياعم انت بقالك شهرين نايم ودخلت في غيبوبه بس الحمدلله فوقت منها اهو
محمود: غيبوبه!!!!امتي دا انا اخر حاجه فاكرها ان ان .....
الدكتور : ان ايه؟
محمود: حنين!!
الدكتور:ااه .. دا قدر ربنا يا استاذ محمود ومحدش يقدر يعترض
محمود: انا هقدر اخرج امتي
الدكتور : قريب ان شاء الله بس حضرتك شد حيلك وهتخرج
محمود في نفسه: هشد حيلي فعلا
=بعد اسبوع=
محمود: يااااعاصم اخلص بقي انت بارد
عاصم: ياعم خلاص بلم الحاجه اهو انت مستعجل علي ايه
محمود: زهقت من المستشفي عايز اخرج بقي مصدقت
عاصم: حقك بردو .. طيب انا خلصت خلاص
محمود: تمام يلا
خرج محمود وعاصم من المستشفي و راحو الحسابات و دفعو الفلوس وجم يمشو حد ندهه وقال : استاذ محمود
محمود بص وراه لقي ..... الكرسي!!؟؟
الممرض : حضرتك مش هتاخد الكرسي
محمود سرح شويه وقال : هه .. اه اه هناخدو
عاصم بص لاخوه وقاله: ليه يعني هناخدو ليه
محمود: دي اخر حاجه اشترتها حنين وكانت فرحانه بيه انا هاخدو
عاصم سكت ومقدرش يتكلم وخدو الكرسي فعلا و راحو بتاكسي علي البيت
وصلو البيت عاصم فتح الباب ودخل محمود ونزل عشان يجيب الشنطه والكرسي
محمود دخل وفضل يبص علي البيت وكان واحشه اوي وحس انه بقاله فتره كبيررره فعلا بعيد عن بيته اللي مليان بذكرياته هو واخوه وابوه وامه الله يرحمهم
______
اقرأ ايضا /الفصل الثاني "بين المعرفه والجهل" من روايه " الكُرسي الملعون"
______
قعد محمود علي الكنبه بس وهو بيقعد سمع صوت جي من اوضته !
قام دخل اوضته وبص حواليه ملقاش حاجه جيه يخرج سمع الصوت تاني .. الصوت كان عباره عن خروشه في حاجه خشب كدا زي ما يكون قطه بتخربش
في الدولاب!
راح محمود ببطئ شديد وفتح الدولاب براحه ملقاش حاجه قفل الدولاب لقي ورااه دم!!!
ايوه دا دم ..دم ومرسوم بيه ..شكل كرسي!!!!!!
محمود اتخض ورجع ورا كام خطوه بس وهو بيرجع رجله اتكعبلت في حاجه ف وقع علي الارض بص وراه لقي الكرسي!!!!!!
بس ازاي .. ازاي دا حصل .. اخوه تحت بيجيبه ازايييي
محمود بأعلي صوت عنده قال : لاااااااااااااااااا
دخل علي الصوت دا عاصم بسرعه وقاله بلهفه وخضه: محمود مالك وقاعد علي الارض كدا ليه
محمود بصله وبص بسرعه علي الدم اللي كان موجود بس ملقاش حاجه!!بص علي الكرسي ملقاش حاجه !!
محمود: انا تعبببببت ياعااااصم تعبتتتتت
عاصم اتخض من نبره صوت محمود وقال: مالك بس طيب فيه ايه احكيلي
محمود: هو فين الكرسي
عاصم بإستغراب: بره في الصاله
محمود قام بمساعده اخوه وطلع بص علي الكرسي دا اللي مش مفهوم منه اي حاجه ولا عارف هو فيه ايه بيحصله من ساعه ما جابه
محمود قال لاخوه:حط الكرسي دا في البلكونه
عاصم: طيب حاضر ممكن تهدا انت بس
محمود: انا هاااادي ياعاصم .. انا هدخل استريح شويه
عاصم: تمام ماشي
دخل محمود فعلا عشان يستريح ونام وصحي فجأه علي صوت صريخ عاصم .. جري علي اوضته وفتحها ولقي ........
