قصص و روايات

معني الإحسان

2020/06/13 05:08 PM | المشاهدات: 1137

سلمى نبيل

«« سلسلة حكايات جدتي »»

فات ٧ سنين يا جدتي على فراقك وحشتينا قوي انا لسه فاكره

كلامك ليا لسه فاكره قصصك و حكايات لسه فاكره اليوم ان العيله كلها تتجمع فيه و نقعد حوالكي و تحكيلنا قصصك اليوم دا فكراه بكل تفاصيله بعد ما نخلص الاكل و كبار العيله يشربوا شايهم و احنا العصير و تبدأ تنده علينا واحد واحد و تقول مين عاوز يسمع قصه النهارده كلنا نجري و عليها و بلفه و شوق انا انا انا و بشكل دائري نتجمع و هي في وسطنا و تبدأ تتكلم قبل كل حكايه لازم تسألنا سؤال احنا مكناش أطفال قوي يعني في ال ١٠ سنين و ال ٨ و ال ٩ فكنا فهمين اى حاجه تقولها ..

'''انا فاكره كويس ان دي كانت اول حكايه لينا معاها '''

...........................

سؤالها المره دي عن الإحسان و بابتسامه خفيفه تسأل يعني ايه الإحسان يا ابطالى

نرد كلنا بشغف فمتسمعش حاجه فتبدأ تختار

فاختارت منى بعد الحاح طويل بقول انا يا تيته انا يا تيته فسمحت جدتي ليها بالكلام و قالت قولى يا مغلباني يا آخره العنقود انتي.. ضحت مني و قالت خدناه النهارده فى المدرسه و الابله بتاعتي قالتنا ان معني الإحسان دا يعني اعطف على الناس و الحيوانات اشوف مين محتاجه أساعده و اجري أساعده و اشوف قطه جعانه اديها من اكلى و كمان قالتلى لو انا ساعدت حد ربنا هيبعتلى حد يساعدني يا تيته علشان كده انا بساعد ماما فى شغل البيت علشان لما ابقي قدها ولادي يساعدوني و دا إللى ماما قالتهولى

بابتسامه فخر تيته بصت لمني و قالتها شطوره يا بنت ابني بصيت لينا و قالت كده بقي ابدأ احكي قصتي

كان يما كان يا سعد يا إكرام ما يحلى الكلام الا بذكر النبي عليه الصلاة والسلام و كنا في نفس واحد عليه الصلاااااااااه والسلااااااااام

في قديم الزمان كان هناك ملك اسمه هارون كان شديد جدا فى كلامه و اوامره كانت لازم تحقق يعني لما يطلب الطلب اوام يتنفذ بدون نقاش البلد كلها كانت تخاف منه و تعمله الف حساب حكمه و كلمته كانت تمشي على الصغير قبل الكبير مكنش حد يقدر بس يقول رأيه..

و على الجانب الآخر كان في راجل طيب و بنته سمعتهم الطيبه مخليه كل الناس تنفذ كلامه كانوا بيخدوا رأيه فى كل حاجه الصغيره قبل الكبيره كان عندهم محل صغير بيبيع هدوم اى حد محتاج اى مساعده كان أول واحد بيساعد حتي لو إللى بيساعده دا يا ولاد ظلمه قبل كده برضو كان بيساعد علشان الرسول محمد صلى الله عليه وسلم بيقول ''الله فى عون العبد ما كان العبد فى عون أخيه ''

في يوم من الأيام الملك هارون قرر ينزل السوق و يشتري شويه حاجات من هناك ..مجرد يا اولادي ما كان يشاور على حاجه فورا كانت تبقي بتاعته و ملكه كان بيشتري الحاجات بتمن رخيص جدا عن سعرها و الناس ساكته لحد ما وصل للراجل الطيب و بنته و سأله على شال و قاله التمن و كانوا ٥ دينار الملك بص للشال بصوره استحقار و قال لا هو دينار بس مفيش غيره الرجل الطيب بنظره حزن قاله طيب و لسه الملك بياخد الشال...

لا هما خمسه دينار عاجبك تشتري على السعر دا تمام غير كده طلبك مش عندنا كان صوت بنته عائشه و بكل حده بصت للملك و قالته معاك ال ٥ دينار اشتري غير كده الشال مش للبيع

..أبوها كان مرعوب و باصص على الملك بكل خوف على بنته

الملك بص للوزير و مشيوا بدون اى كلام

و بعدها بساعات الملك امر بنفيهم بره البلاد

..الكل كان مستغرب ازاى مأمرش بموتهم و لان السبب كان واضح الكل سكت

..............................

و بتقاطع مني كلام تيته و بتقولها ايه السبب يا تيته و نظره فضول بتقول هو مش كان ممكن يبعتهم عند ربنا علشان هو شرير

بابتسامه رقيقه ردت تيته : علشان يا شقيه حب الناس للراجل الطيب دا الملك فهم ان لو قتله هو و بنته و بعتهم عند ربنا الناس كلها هدافع عنهم بالرغمومن قسوته الا ان حب الناس للراجل دا و احسانه عليهم و مساعدته ليهم هيأذوه علشان كده قرر انه يمشيهم بس من البلد

...و تمر الأيام يولاد و يطلع الملك يصطاد و في وسط الرحله يطلعوا ناس عليهم يموتوا كل إللى مع الملك و ميبقاش غيره بعد ما قدر يهرب منهم و في مكان بعيد يلاقي بيت صغير وسط الغابه و يقرر يروح هناك يستريح و يقابل الناس إللى هناك و يساعدوه انه هو يخف من جروحه قعد عنهم يولاد عشر ايام فبيسألهم انتوا ليه عزلين نفسكوا كده و حكوا الحكايه و قالوا على الملك الظالم هارون فضل ساكت لحد مروح بيته تاني

............................

فى اليوم إللى بعده بعت للرجل الطيب و اتفاجأوا ان الراجل إللى انقذوه و أهانوا الملك قدامه هو هو الملك هارون و قبل ما ينطق تكلم الملك و قال ان فى وسط قسوتي و جبروتي و فى عز أزمتي الراجل الطيب بس إللى ساعدني و انقذ حياتي من غير اى مقابل و كمل كلامه بكلمه اسف و بكرر اعتذاري للرجل الطيب و بنته عائشه...

و قرر أن الرجل الطيب يبقي قاضي القضاه و يتبني ليهم قصر

علشان كده يولاد إللى بساعد حد بدون مقابل ربنا بيكافأه احسن مكافأه

......

=بيجي صوت بابا من بعيده يلا بقي يولاد علشان

نروح

- حاضر يا بابا جاين اهو

= سلموا على تيته بقي

_ شكرا يا تيته على الحكايه الحلوه دي هنجيلك بقي المره جايه بقصه جديده 😁😁

* و بضحكه بسيطه مع السلامه يا ابطالى😊😊