انهارت حورية فرغلي بالبكاء على الهواء عبر مداخلتها في برنامج مساء dmc
وقالت:-«بقالي عشر شهور محبوسة في أوضة نومي، ومش بستطعم وفقدت حاستي التذوق والشم، ولو حصلت حريقة مبعرفش إن فيه ريحة شياط، وقررت إني أبعد تماما، وأنا مكنتش بعمل عملية تجميل، وحصلت لي حادثة والحصان وقع فوقيا، ومعنديش مناخير.. وهيكل مناخيري فاضي من جوة».
اقرأ أيضاً/تامر عاشور يكشف عن موعد حفلته الجديدة
وقالت: «كل الناس بعدت عني، حتى الناس اللي اشتغلت معايا بالعشر سنين مش بيرفعوا سماعة التلفون يسألوا عني، محدش أبدا بيسأل عني خالص غير رانيا محمود ياسين».
وقالت:-«أنا كنت فاكرة إنهم بيحبوني، كنت فاكرة إنهم بيحبوني أنا بس، هما بيحبوا حاجات تانية، يعني أنا محدش قالي «هابي نيو يير» غير أخويا، ولكن لما كنت بشتغل كانوا بيرنوا عليا، ولكن دلوقتي كله اختفى كأني مش موجودة، أنا عملت 38 عمل في 7 سنين، واشتغلت كتير، واشتغلت وأنا تعبانة وكانت حرارتي 40، وواخدة شغلي جد مش هزار، وزعلانة من الناس إنهم لما بتبقى كويسة يبقوا معاكي، ومش بيقفوا جنب بعض في الشدة».
اقرأ أيضاً /أغنية عاشور الجديدة
قام مصطفى درويش بتوجيه رسالة دعم للفنانة حورية فرغلي عبر حسابه الخاص على الإنستجرام.
اقرأ أيضاً/محمد رمضان رقم واحد في ميوزيك اوورد
قام مصطفى درويش بنشر صورة للفنانة حورية فرغلي وكتب عليها تعليقاً
((جميلة القلب و المظهر حورية فرغلي ، كل اللي اشتغل معاكي و عرفك عن قرب شهدلك بطيبة القلب و جمال الروح و حبك للجميع، ما تزعليش ان الكل اتلهى لان ده حال الدنيا و كل واحد بيعافر في اتجاه و بينشغل حتى عن اقرب ناس ليه ، بس اللي لازم تعرفيه ان الكل بيحبك و منتظرينك ترجعي احسن من الاول ♥︎)).
الكلمات الدلالية/
حورية فرغلي, مصطفى درويش, رانيا محمود, هابي نيو يير, حادثة, الحصان.
