الأفعال هي المُنقذ الوحيد اللي كلنا ممكن نعمي عنينا عنُّه عشان باقيين على حد، الأفعال أكبر حقيقه ملموسة، كل مابنكبر كل ما الوقت اللي بنحتاجُه أقل في معرفة إذا كان اللي قدامنا دا شارينا فعلاً ولا لا، هي دي العلاقة ولا كفايه حرق وقت ومجهود على الفاضي، حتى لما بنستمر واحنا شايفين كل حاجة مش مرضية لينا، مش منصفه في حقنا، واحنا واقفين قدام نفسنا بندبدب في الأرض معترضين بنبقا مدركين إن دا الاختيار اللي استمرينا عليه بكامل إرادتنا، وإن دي النتيجة اللي لازم نستحملها ومنهربش من مواجهتها ..
إقرأ أيضاً/الإنقلاب الدينى الأول فى التاريخ
كلنا بنكسر قواعد ما عشان حد، وكلنا بنبقي مدركين واحنا بنكسرها مره وعشرة إن الحد دا غالباً الغلط،
الاستمرار وانت شايف كل فعل مش في صالحك سخيف، لكن بيفضل الأمل الوحيد دايماً " مش يمكن يجي وقت ويشوفني! يشوف اللي بقدمه، وكل اللي عيني شايفاه دا يكون غلط، أو لمجرد وقت بس "
إقرأ أيضاً/النوبة ما بين الحاضر والماضى
"لكن كل حاجه بتقول إن دا مش مكانك عمرها في يوم ماهترجع تقول انه مكانك."
خليك منصف تجاه نفسك، بلاش تعمي عقلك..
إقرأ أيضاً/فريدريك يورينسون والتحدث مع الموتى
