" لا أتكفن ولا أتغسل وأدفن بالأفرول العسكري، أدفن بنفس اللبس اللي استشهدت بيه، علشان يكون شاهد لي يوم القيامه، حتى ابعث على ما كنت عليه"
دي كانت وصية "البطل أحمد منسي"
إقرأ أيضا ¦أمير كرارة قسماً بالله المنسي جالى في الحلم وضحكلى
~~~~~~~~~~~~~~~
طيب مين هو احمد منسي الذي سطر أسمه في التاريخ بحروف من ذهب؟
هو البطل عقيد أركان حرب احمد صابر محمد علي منسي المولود في 4 اكتوبر 1978 بمركز منيا القمح بمحافظه الشرقيه، التحق بالكليه الحربيه وتخرج ضمن الدفعه 92 حربيه، بعد التخرج عمل كظابط في وحدات الصاعقه.
وفي عام 2013 حصل على ماجستير العلوم العسكرية من كليه القاده والأركان، و تولى قياده الكتيبة 103 صاعقه خلف العقيد رامي حسنين الذي استشهد في شهر اكتوبر عام 2016.
البطل أحمد منسي منذ اول يوم استلم فيه الكتيبه وبقى مصدر رعب للإرهابيين، حتى انه في اول عمليه له وبعد مقتل عدد كبير منهم "أمسك بـلا سلكي واحد من الارهابيين وقال لهم" انا المقدم احمد منسي وجبتلكم يا كلاب".
منسي كان مطلوب بالأسم من التكفيريين، طيب ليه؟؟ لانه كان مثقف ومتحدي، كان مربي رجالته على عقيدة الفكر، و كلهم كانوا بيحبوه، كان قائد زي ما الكتاب بيقول كان مخلي رجالته كلها بتتخانق مين هيستشهد الأول، كان علاقته كويسه بأهل سيناء و بيحبوه بيحترموه و بيساعدوه، كان فاهم قوي في أسلوب حرب العصابات بتاع التكفيريين، وكان سابقهم بخطوه، ما كانش بيخاف منهم لأنه في الاساس كان حلم الاستشهاد.
إقرأ أيضاً ¦إحنا مش بتوع حداد إهداء للشهيد البطل "أحمد المنسى""
~~~~~~~~~~~~
القائد أحمد منسي قام بعمليات كثير في سيناء واسقط عدد كبير جدا من الارهابيين لحد ما وصلنا ليوم 7 يوليو 2017 في كمين مربع البرث بمدينه رفح المصريه، في الوقت والمكان دول حصل هجوم مسلح من الإرهابيين على الكمين كانت الساعه ٤ فجراً يوم 7 يوليو 2017 بدء الهجوم الارهابي على الكمين من خلال سياره مفخخه كانت مدرعه جيداً و تم اخفاؤها داخل احدى المزارع، دخلت الى كمين البرث برفح، تعاملت معها قوات الكمين لكن لأنها كانت مدرعه كويس جدا انفجرت قرب الكمين، في خلال دقيقه اخذ رجال الجيش أماكنهم يردون على الإرهابيين، في نفس الوقت كان في حوالي 12 عربيه كروز محمله بالسلاح والارهابيين الذين أحاطوا بالكمين من كل الإتجاهات.
إقرأ أيضاً ¦زعيم الامة "سعد زغلول"
~~~~~~~~~~~~~
وبعد معركة كبيره جداً وبساله من رجال و أبطال الجيش المصري في التصدي لهؤلاء الإرهابيين إنتهت إلى مقتل واصابه حوالي 26 فرد من أفراد القوات المسلحة المصرية، ومقتل اكثر من 40 فرد من العناصر الإرهابية التكفيرية وتدمير 6 عربات تابعة لهم.
سقط في هذه المعركة العقيد احمد منسي قائد الكتيبة 103 وعدد من رجاله نتيجة اصابته بطلق ناري من الخلف.
وودعته جنازه عسكرية من مسجد المشير طنطاوي ودفن في مدافن الاسره.
البطل الشهيد احمد منسي الذي صُنف من ضمن 100 شخصيه مؤثره في العالم في 2017 كان مهم جدا بالنسبه للإرهابيين بسبب الأضرار الكثيره الذي أحدثها لهم، لدرجة ان الإرهابيين يوم الكمين وبقى بينهم ضحايا ومصابين بدأو يدورو و بيقولوا بينهم " فين المنسي فين المنسي" كانوا عايزين هو أو جثته بأي ثمن علشان اللي عامله فيهم لم يكن قليل.
إقرأ أيضاً ¦عمرو بن العاص
~~~~~~~~~~~~
وبعد اللي قلنا ده بيثبت عندنا فعلا المقوله بتاعت " منسي بقى اسمه الاسطوره من اسوان للمعموره"
رحم الله شهدائنا من الشعب والشرطه والجيش
