فى حوار جديد وخاص من نوعه عن السباحة الخاصة بحديثي الولادة مع الكابتن "محمد الزغوي" المتخصص فى تدريب حديثي الولادة والعلاج المائي بنرحب بحضرتك..
- أهلاً بيكِ
• نتعرف بحضرتك:
- كابتن محمد الزغوي متخصص فى تدريب سباحة حديثي الولادة والعلاج المائي، ومدرب معتمد من الإتحاد المصري للسباحة، وعضو بنقابة المهن الرياضية، تخرجت من كلية التربية الرياضية دفعة 2019.
________
اقرأ أيضاً "أم مثالية وزوجة عظيمة"
________
• حضرتك حديث التخرج.. إزاي قدرت توصل وتحقق شهرة واسم معروف فى مجال السباحة خلال الوقت القصير ده؟
- بالإجتهاد الشخصي من أربع سنين لما دخلت الجامعة، اشتغلت على نفسي واتعلمت أونلاين فمكنتش مضطر أسافر أو أدرس بره مصر، بالعكس تواصلت مع ناس درست فى أوروبا وكنت بطبق كل معلومة جديدة أتعلمها، وتواصلت مع ناس متخصصة وبدون شهادات، وكتير أطفال وكبار تحسنت حالتهم من خلال التدريبات اللى بعملها ليهم.
• تدريب حديثي الولادة على السباحة والغطس شئ غريب من نوعه وناس كتير أول مرة تسمع عنه، فممكن تكلمنا أكتر عن التدريبات دى؟
- الفكرة جديدة وإحنا فى مصر اهتمينا بيها وبتنتشر، والجيل الجديد بينزل أطفاله الرضّع معانا وعندهم الوعي والثقافة دى، وإحنا الحمد لله عندنا المهارات اللى مش أي مدرب يشتغل بيها مع حديثي الولادة، وأنا بقالي سنتين شغال مع حديثي الولادة و5 سنين فى مجال السباحة، وبعمل علاج مائي أحد طرق العلاج الطبيعي ومش موجود كتير فى مصر، وإن شاء الله هينتشر وبينتشر فعلاً ودا زى التأهيل الحركي اللى بعمله مع حالات العلاج المائي علشان حديثي الولادة يستفادوا من خصائص المياه الفسيولوجية.
__________
اقرأ أيضاً تأثير العنف الأسرى على الأطفال
__________
• فكرة أن ولي أمر يسلمك طفله الرضيع علشان تنزله المياه شئ صعب، ومهما وصلت درجة الوعي والثقافة أكيد بيخاف يعمل تصرف زي ده لأن الطفل ممكن يتأذي وأكيد ده بيحصل معاكم كمدربين، بتتصرفوا إزاى مع ولي الأمر فى الحالات دي؟
-الفكرة بس فى الثقة وطول ما ولي الأمر واثق فى المدرب وعارفه أو حد رشحه ليه أو يكون مدرب معروف وعنده خبرة فبيكون نوعاً ما مطمئن، ولكن عادةً الطفل هو اللي بيكون خايف فلازم يحس بالأمان مع المدرب، وهنا يجي دور ولي الأمر لازم على الأقل يكون متواجد فى المكان، ولو لزم الأمر ممكن ينزل حمام السباحة ويكون مع طفله علشان التدريب يتم.
• إيه هي خطوات التدريب وبيتم إزاي؟
- تدريبات حديثي الولادة فى المياه بتكون بدنية بطرق معينة فى الحركة وخصائص معينة للمياه اللي بينزل فيها؛ لأن مش أي حمام سباحة ينفع للتدريب، لازم مواصفات معينة زى تنظيم نسبة الكلور ودرجة الحرارة وغيره، ودل لأن حديثي الولادة مناعتهم ضعيفة وبتتأثر بأي تغيير عن طبيعة الجسم.
• هل فيه أماكن بتدعم دا وبتوفر الطرق المناسبة للتدريبات من النوع دا؟
- أكيد فيه أماكن كتير بتدعم دا وبتوفره للمدربين ولكن الإعتماد الأساسي على المدرب لأن الشغل مع حديثي الولادة مش سهل بالمرة.
_________
اقرأ أيضاً الرجل الكتوم...كيف تعرفي أنه يحبكِ.
_________
• لو شخص حابب يدرب طفله ممكن يبدأ من سن كام؟
حديثي الولادة بيبدأ من سن 4 شهور لـ 3 سنين.
• إيه هي فوائد التدريب و نتيجته بتظهر بعد قد إيه؟
- فوائد التدريب كتير منها تقوية مناعة الطفل ضد الأمراض، وتقوية مفاصل وعضلات جسمه، بالإضافة للفائدة الأكبر وهي أنه لو تعرض لأي موقف فى مكان ممكن يغرق فيه ممكن ينقذ نفسه، أما النتيجة بتبدأ تظهر من تاني أو تالت سيشن وبيتعلم الغطس والطفو من 6 لـ 9 شهور من التدريب.
• هل ولي الأمر يقدر يساعد المدرب فى غير وقت التدريب؟
- أكيد وخاصة الأم بتساعد المدرب أنه ينجح فى علاقته مع طفلها فى أول التدريب فى أول كام سيشن، وطبعا الإلتزام بأيام تدريب طفلها والمتابعة مع المدرب، وتبقى ملاحظة إذا كان طفلها بينام كويس وبيتعب زي الأول أو لا، وبتحميه من أي تعب على صدره زي حساسية الصدر، ومع الوقت التدريب بيقلل مشاوير الدكتور الكتير ولو عنده أي حاجة ضعيفة بمقاومة المياه بتكون اقوى.
• أخيراً بنشكر كابتن محمد الزغوي على الحوار المفيد والمعلومات القيمة اللي أفادنا بيها، ولكل ولي أمر حابب ينفذ التجربة دى مع طفله يقدر يتواصل مع كابتن "محمد الزغوي" عن طريق الرقم ده
01027798053.
