الفصل الخامس/ النهاية
بصيت ليها..لقيتها يارا!!
مكنتش مصدق نفسي لقيتني بقولها بلهفه ايه في ايه انتي كويسه!!
يارا:دكتور كرم إنت فاكرني
كرم بضحك: طبعاً
يارا:كويس إنت هنا بتعمل ايه
كرم:عيد ميلادي ياستي وصحابي عازمني عاملين حفله بقي وكده
يارا:طب كل سنه وانت طيب
كرم:وانتي طيبه
يارا:طب ممكن اطلب طلب
كرم:اتفضلي طبعا ها قولي
يارا:عايزك في حاجه ممكن نقعد مع بعض شويه بعد ما تخلص مع اصحابك انا هروح اقعد مع صحابي هناك لحد ما تخلص
كرم: يااا اعتبريني خلصت
يارا:طب يلا بينا انا هروح اقول لصحابي إني همشي وإنت شوف صحابك ونروح نقعد في مكان تاني تمام ولا إيه
كرم:اتفقنا.. بس بلاش. ألقاب وقولي كرم علي طول
يارا بضحك: ماشي يا كرم ع طول
كرم: والله انا مش مصدق نفسي
يارا:ليه مالك!؟
كرم:لا لا مافيش..متخديش بالك روحي بس شوفي دنيتك مع صحابك..
يارا:تمام
راحت لصحابها وبعدين جتلي قالتلي يلا يا كرم بيه نمشي
قولتلها يلا يا هانم وضحكنا
اقرأ أيضا/
روحنا ركبنا العربيه ورحنا كافيه قريب من الكافيه الي احنا كنا فيه واحنا نازلين من العربيه
يارا: الله المكان هنا حلو اوي طب ممكن تاخد موبايلي وتصورني
كرم:عينيا
طبعا وانا بصورها كنت مركز جدا ف ملامحها وضحكتها وطريقه ماشيتها كان قلبي لاول مره يفرح بجد وكان في دماغي ازاي في يوم وليله يتقلب القدر بشكل ده!!
خلصت تصوير ودخلنا الكافيه
يارا:الصور حلوه اوي يا كرم ميرسي جدا
كرم:اي خدمه بس ابقي عدي الجمايل
يارا:طب ايه مش هنشرب حاجه؟؟
كرم:اي انتي داخله علي طمع بقي
يارا وبضحك:لو بخيل انا ممكن ادفع انا عادي
كرم:ليه معاكي واحده صحبتك ولا ايه!!
يارا:بهزر اي مبتعرفش
كرم:مبعرفش اعمل حاجه قده..تشربي ايه
يارا: فراوله
كرم:حلو وانا كمان
طلبنا العصير وجيه
يارا: كرم.. يا كرم
كرم بسرحان:اي معلش مكنتش مركز
طبعا انا مش عارف اعمل اي حاجه مش عارف هي عايزني في اي وفضولي واخدني جدا لدرجه غريبه وفي نفس الوقت فرحان جدا بس مش عايز العشم يخدني لتكون مرتبطه او مخطوبه..
يارا: الي واخد عقلك
كرم:هو انا ينفع اسألك سؤال
يارا: اتفضل طبعآ
كرم:هو انتي مخطوبه او مرتبطه او متجوزه
يارا: ليه بتسأل معجب ولا ايه
كرم بضحك:لا والله عادي لو مش عايزه تجاوبي خلاص مش لازم اعتبريني مسألتش
يارا:لا عادي هجاوب..انا سينجل يا سيدي
كرم: ليه يعني مفكرتيش ترتبطي قبل كده
يارا: لا اتخطبت مره ومحصلش نصيب
كرم:ليه !؟
يارا:عشان انا كنت بفكر في حد تاني ومكنتش عايزه اظلمو معايا وبعدين ده كان صالونات يعني مش حب وكده
كرم:اه ..ماشي
طبعا انا ساعتها فقد الامل لان هي كانت بتقول في واحد بتفكر فيه والدليل انها سابت خطبها يعني اكيد اكيد مش هتفكر ترتبط بحد تاني..قولت لو خسرتها كاشريكه حياتي هكسبها كاصاحبه ليا كده او كده مش هضيعها من ايديا
كرم:طب كنتي عايزني في ايه
يارا:كرم؟
كرم:نعم
اقرأ أيضا/
يارا:هو إنت ممكن تقولي اول مره شوفتني فيها كانت امته!!
كرم:لي السؤال ده
يارا:جاوبني
كنت متردد وانا بجاوب بس مكنتش عايز اضيع الفرصه وفي نفس الوقت مش عايز اتكلم عشان هي قالت بتفكر في حد تاني
كرم:في العياده عندي
يارا:اممم بس انا عايزه اقولك حاجه
كرم:ايه
يارا:مكنتش اول مره اشوفك في العياده
كرم بستغراب: ازاي وضحي
يارا:انا كنت جارتك قبل كده
كرم: فين !؟
وطبعا انا عامل نفسي مش من هنا عشان اشوف ايه اخره الكلام
يارا:جيت فتره قعدت في المعادي كنت ساكنه في الشارع الي وارك وشوفتك كتير اوي بس لحد انهارده لسه فاكره ملامحك
كرم:لسه فاكره ملامحي..ده حب ده ولا ايه
يارا بضحك:طب اكمل كلامي ولا هنقعد نهزر
كرم: كملي يا ست الحبيبه
يارا:زي ما بقولك كده عارفك ومكنتش متخيله ان في يوم هشوفك تاني وإن القدر يجمعني بيك واجيلك لحد العياده..إنت متخيل ان بعد السنين ديه كلها نتقابل تاني!!
كرم:طب ممكن اقولك حاجه
يارا: اتفضل
كرم:مكنتش اول مره اشوفك ف العياده وكنت عارفك من زمان واقولك علي الكبيره بقي
يارا: ايه
كرم: لا مش هقول دلوقتي كملي بس كلامك
يارا:بس يا سيدي وكنت متبعاك لما كنت ساكنه في المنطقه عندك بس عزلت..بس كنت عارفه اسمك
كرم: عارفه اسمي منين
اقرأ أيضا/
يارا: من عم منصور صاحب السوبر ماركت الي تحت بيتك
كرم:عم منصور ده سوسه بس مقاليش انك سألتي عليا
يارا:مانا كنت مأكده عليه ميجبش سيره لحد
كرم: مع اني سألته عليكي بس مقالش اي حاجه عنك ومكنتش عارف اسمك لانك كان ليكي اخت تانيه فامكنتش عارف افرق بين اسمك واسمها..
يارا: كرم انت مفرقتش بالي ولا ثانيه ديما كنت عايشه ع امل اني هشوفك تاني واما شوفتك انهارده في الكافيه قولت لازم اتكلم معاك وكنت واثقه انك مش هتمانع ..ولما جيت عندك العياده ساعه لما كنت بزعق عشان التأخير اول ما شوفتك تنحت حسيت انك خت بالك ..بس
كرم:انا فعلا خت بالي بس قولت اكيد مش هتفتكريني
يارا: طب وانت
كرم انا ايه؟؟
يارا: عايزه اسمعك
كرم : قبل ما اتكلم هسألك سؤال الولد الي شاغل بالك لدرجه انك سبتيه خطيبك عشانه يبقي مين؟؟
يارا:اسمعك الاول وبعدين اجاوبك
كرم:تمام.. بصي يا ستي انا مرتبطش نهائي عشان مكنتش عايز ارتبط عشان مظلمش الي معايا وده طبعا نفس الي انتي عملتيه..حضرتك انا كنت برسم ملامحك مع اني افشل واحد في الرسم بس تصدقي الرسمه طلعت حلوه.. ديما تفكيري فيكي حتي وسط ضغوط الحياه والمشاكل بس ديما اول واحده تيجي في بالي..حكيت لأمي عليكي وقالتلي "يابني هي لو من نصيبك القدر هيجمعكو ببعض لو كنتو فين"
عايزك تجاوبني علي السؤال الي سألته!!
يارا: يبقي إنت يا كرم
كرم:بس متكمليش
يارا:يعني ايه؟؟
كرم: معني كده إن القدر جمعنا ببعض وإن الحب مكنش من طرف واحد كان من طرفين
يارا بضحك:كرم إنت كده جبت التايهه يعني؟!
كرم بضحك:ايه ده انا مقولتش حاجه جديده!؟
يارا: لا لا انت أبهرتني ..كمل ..كمل
كرم بضحك:من الاخر انا بحبك
يارا منغير ماتتردد لحظه
يارا: انا كمان بحبك!
