بحبك ياوعد والله بحبك ادينى فرصة تانية مش عايز اخسرك انا عارف انى غلطت فى حقك سامحينى انا..
وعد ياوعد وحشتيني اووووووى
اى دا سمر عاملة اى فينك يابنتى مختفية لى
احم احم
سمر: اى دا ياوعد انا جيت فى وقت مش مناسب
وعد: لأياحبيبتى انا كنت واقفة لوحدى انتي عارفة بحب النيل اد اى وباجى لوحدى دايما بس فى ناس متطفلة
سمر: طب يلا نمشى
وعد: يلا
استوووب
انا وعد عندى 23 سنه خريجة تجارة عيونى بندقى ومختمرة من 3سنين قصيرة وبشرتى خمرى والباقى هنعرفة من الاحداث
باااك
سمر: مين دا ياوعد مش دا ..
وعد تقاطع سمر: خلاص ياسمر الموضوع دا منتهى بقالوا 4سنين
سمر: خلاص ياوعد هاتي رقمك وهبقا اكلمك نتقابل
وعد: ماشي ياقلبى اكتبى
سمر: يلا سلام
وعد: سلام
رجعت تانى للنيل حبيبى ومسكت دفترى وقلمى وكتبت
"لهفة البدايات بتعلمنا كتير حاجات بس بتكسرنا فى النهايات وتخلينا أقوى وانا اللى قولت مش هقوى قويت ماهى الدنيا مبتقفش على حد انا خفيت بجد مبقاش يفرق معايا وانا من جوايا نسياه بس فى اوقات لازم افكر نفسى عشان معيدش الغلطة مرتين وابقى جرحت القلب جرحين"
قفلت دفترى وسرحت
وعد: احمد ياحمااده وحشتني ياجدع كل دي غيبة مشوفكش غير ع الامتحان ياجاحد
احمد: غصب عنى ياوعد والله بس الشغل بقا انتى عارفة
وعد : طب كنت رديت عليا قولى انك عندك شغل وانا هتفهمك ياحبيبى
احمد بعصبية: حبيبى حبيبى حبيبى خلاص ياوعد متقوليهاش تانى بقا زهقتتتتت
وعد بصدمة : فى اي ياحمد
احمد: فى انى مش عايز نكمل مع بعض انا زهقت من انك بتسمعى كلامى فى كل حاجة وانك طيبة وبتسامحينى دايما وبتصدقينى مهما قولتلك انتى ساذجة اوووى
وعد بدموع: هو انا كدا غلطانة ولا فى حاجة تانية ولو كدا اوعدك اني هعمل اللي انت عايزة بس خليك جمبي انا بحبك اوووي
احمد : بصراحة ياوعد انا حبيبتى القديمة كلمتني وقالتلي انها عايزانى اقابلها وانا لو سمحتي مش عايز اعرفك تاني عشان شكلنا هنرجع لبعض وبلاش تتصلي بيا وتكلميني واه انا عملتلك بلوك من كل حاجة فمتخليش حد يكلمني عشان مش عايز اكمل مع واحده ساذجة زيك سلام وقام مشى
وعد مصدومة ودموعها نازلة زي الشلال وقلبها مكسور وبينزف و..
فوقت من سرحانى على صوت طفلة زى القمر بتقولى تنت تنت
وعد: نعم ياقمر انتى اسمك اى
ملاك: انا اثمى ملاك
وعد : اسمك حلو اوووي ياملاكى
ملاك: انتي اللي قمر خدي منى الوردة دي ومث تعيطى تانى خالو بيقولك عثان مينفعث العيون الحلوة دى تعيت
وعد: اممم قولى لخالو شكرا وهاتى بوسة
ملاك : وهتدينى حضن كبير
وعد: هههه طماعة خدى يلا سلااام ياملاكى
ملاك : ههه ثلام ياتنت
مالك: اى رأيك فى تنت ياملاك
ملاك: حلوة خالث ياخالو انا عايساها (عايزاها ) معانا ف البيت
مالك: ههه والله بتفهمى ياملاكى بس هى تاخد بالها منى بقا
ملاك ببراءة: ليه ياخالو هو انت ثفاف(شفاف) مش واخدة بالها منك
مالك بضحك : شفاف على أخر الزمن مالك الدمنهورى صاحب أكبر شركة مقاولات فى الشرق الأوسط اللى البنات بتترمى عليه يبقا شفاف يلا يابت قدامى خلينا نروح
استوووب
مالك الدمنهورى 26 سنة ماسك شركات الدمنهورى للمقاولات طويل وعيونة لون البحر وشعره بنى كدا حاجه قمر من الأخر
وملاك بنت اخته وعايشه معاه وبيحبها اوووى وهنعرف الباقى مع الأحداث
بااااك
ملاك : هههه ماثى يابتاع تنت
وعد: اخيرا روحت انام بقا عندى يوم طويل بكرة عشان اشوف شغل جديد وتكمل بغيظ بدل اللى اطردت منه بسبب اللى ميتسمى احمد منه لله عاملى زى عفريت العلبة تاخده داهيه
صحيت الساعة 2 صليت القيام وقرأت قرءان شوية وقعدت ادعى ربنا دايما يارب عوضنى خير انا صابرة مش بتقول وبشر الصابرين انا واثقة فى كرمك انك هتكرمنى فى الشغل دا انا مليش حد حتى اهلى اتخلوا عنى بسبب ....
التليفون رن وكانت سارة
سارة :ازيك ياست البنات وحشانى اوووى عاملة اى
وعد: الحمدلله ياقلبى عندى مقابلة بكرا ادعيلى
سارة: من عيونى يلا روحى نامى عشان تصحى بدرى تلحقى
وعد: ماشى ياقلبى سلام
سارة: سلام
نمت وصحيت الصبح بدرى صليت الفجر ولبست فستان اسود وخمار اوف وايت ونزلت بسرعة عشان الحق المقابلة ووانا فى المواصلات قرأت الورد بتاعى عشان ربنا يكرمنى بس الدنيا كانت زحمة وانا اتأخرت فقولت للسواق ينزلنى اتمشى الحتة اللى فاضلة دى ونزلت مشيت وانا جاية اعدى الشارع لقيت عربية خبطتنى و.....
يتبع
اقرأ أيضاً: علي قدر الهوي يأتي العتاب
اقرأ أيضاً: إلي متي
اقرأ أيضاً: لحظة استيلاء لصوص على أرصدة البنوك أثناء سحب ملايين الأموال
