الفصل التاني/الحيرة
عدت الأيام كنت كل يوم بنزل وبسأل عنها بس مكنش فيه أي معلومه عنهم لأنهم كانوا في حالهم..لحد ما تعبت من كتر التفكير وقررت احكي لأمي الموضوع بتفصيل
امي ردت قالت: عادي يا كرم إنت في سن مراهقه وهتقابل لسه بنات كتير ..ركز انت بس ف مستقبلك وسيب الباقي علي ربنا
كرم:حاضر.. شكرا يا حبيبتي
دخلت اوضتي وقعدت افكر في كلام امي وقولت هي اكيد أدرا مني في الحاجات دي واكيد هي شايفه حاجه انا مش شايفها ويمكن فعلا البنت فتره هتعلق معايا وهنساها
اقرأ أيضاً/الاهلي بين الماضي و الحاضر
بس الغريبه إنها فضلت معلقه في دماغي وديما فاكر ملامحها بالتفصيل لفتره طويله ..لدرجه اني كنت بقعد ارسمها وانا افشل واحد في حوار الرسم ده
حتي امى بدأت تستغرب مني وفجاءه في يوم دخلت عليا وقالتلي: "هو في ايه الموضوع شكله بجد ولا ايه" بعدين مشيت وسبتني.
بس دايما في حاجه جوايا بتقولي إني هشوفها تاني..!
بس غريبه البني ادم مننا لما بيكون عايز حاجه مبيشفش غيرها ..شوفت اشكال والوان بس محدش لفت نظري قد ما هي لفتت نظري
أقرأ أيضاً/محطات في حياه المخرجه شيرين عادل
عدت الشهور والسنين ودخلت كليه طب وكان حلم من احلامي وحققته وطبعاً عيلتي والناس القريبين مني فرحو بيا وبقو فخورين بيا ..كان نفسي في لحظه زي دي البنت الي قلبي متعلق بيها السنين دي كلها تبقي موجودة في لحظه زي دي..
كنت مفكر إن سن مراهقه وهنسها بس المراهقه عديت ومنستهاش بس كل يوم التفكير فيها بيذيد اكتر وعندي الشغف أني أشوفها تاني!
أقرأ أيضاً/صرف معاشات اغسطس الخميس القادم بمناسبه عيد الأضحي
كنت بقول لنفسي اي يا كرم هو فعلٱ ممكن تشوف حد يفضل قلبك وتفكيرك متعلق بيه حتي منغير ما تتكلم معاها كلمه ..واساسٱ إنت عايش على أمل اي..ما ممكن تكون مخطوبه,متجوزه,مسافره,لقدر الله ميته..!
بس ديما جوايا حاجه بتقولي هشوفها وكنت عايش بلأمل دة
بس لو القدر مش كاتبلي أكون معاها هتفضل في بالي طول عمري!
حتي لو قبلتها في يوم ولقيتها مع غيري هفضل احبها ومتعلق بيها!
هبقي انا إلى اتمنيت وداعيت وهو إلى كان سعيد الحظ فاز بالحاجه الوحيده إلي فعلآ اتمنتها من كل قلبي
هعيش علي امل اننا نتلاقي في عالم تاني أحسن من كده..
فرغت حياتي كلها للمذاكره وعلي هدف اني ابقي اشطر دكتور عظام في مصر..
أتخرجت من الجامعه وطبعٱ بعد معانه كبيره جداً وبعد فتره تعب وإرهاق ربنا كرمني واتعينت رسمي في مستشفى حكومه وبعدها بشهور فتحت عياده في الشقه الي أبويا كان جيبهالي والمفروض اتجوز فيها بس قررت استغل الشقه اخليها عياده الخاصه بيا لأن موضوع الجواز ده. مكنش في دماغي ساعتها..
في مره كنت قاعد بشتغل علي النت في أبحاث و كده ف لقيت امي بتنده عليا
امي:كرم تعال عايزاك في موضوع مهم
كرم:ماشي ثواني هخلص الشغل وهجيلك
روحت لأمي وبدأت تفتح معايا الموضوع
وقالت امي:إنت لسه بتفكر في البنت الي حكتلي عنها قبل كده
كرم:اكيد
امي: بس هي........
