مخاطر الأكل المقلي، والاكل الي طالع من الزيوت، هي في الأساس بتحصل بسبب حاجة اسمها دهون متحولة،
Trans Fat
الدهون دي هي أخطر أنواع الدهون اطلاقا ولازم في اليوم مناكلش منها أكثر من 1% من إجمالي السعرات اليومية، يعني مثلا انت هتاكل 1500 سعر حراري في اليوم فأنت اخرك تاكل 15 سعر حراري فقط، ولو انت بتعاني من اي مشاكل صحية اياً كانت او كبير في السن فالمفروض تأكل منها 0%، يعني ممنوعة تماما نهائيا.
––––––
إقرأ أيضاً:أنواع الأطعمة التي ستبدأ بها الأم مع طفلها
––––––
مشاكل الأكل المقلي والدهون المتحولة تتمثل في:
مشاكل القلب وتصلب الشرايين.
مشاكل الضغط العالي.
من أهم مسببات السمنة وزيادة الوزن، والتأثير السلبي
على الأنسولين ومقاومة عمله، وتعجيز كل هرمونات الجسم.
خلي اكلكم مطبوخ بشكل صحي بلاش مقليات والكلام دا حتي لو مش عامل دايت الكلام دا عام للصحة العامة ولأي حد بيخاف على نفسه وعلى أهل بيته 👌
*بلاش بطاطس مقلية، خليها مسلوقة، مشوية، مهروسة، أو صوابع في الفرن بشكل وطعم روعة
*بلاش سمك مقلي، السمك المشوي أطعم واكثر في القيمة الغذائية.
*بلاش الفراخ تبقي مقلية ومقرمشة بقالها نص ساعة بتتعذب في الزيت.
ومتقولش العيال بيحبوها كده انتوا اللي عودتوهم عليها، وانتوا اللي بايديكم تعودوهم على الصح والصحي وتستثمروا فيهم وفي مستقبلهم.
––––––
إقرأ أيضاً:لا تفعلي مثله.
––––––
ودي بعض النصائح للتعامل مع الزيت بشكل صحي وسليم:
*بلاش قلي في الزيت خالص ونهائيا، وخلي الأكل مشوي او مسلوق او في الفرن ودايما استخدموا الطاسة التيفال او الشواية.
*القلي ممكن تعمله مرة كل اسبوع بالكتير، ولازم الزيت اللي هتستخدمه يترمي، يعني يتم استخدام الزيت للقلي مرة واحدة فقط فـــــــــــــــقط.
لو استخدمتي الزيت ال قليتي فيه تاني وتالت انت حرفيا بتقدمي ع السفرة كارثة ومواد مُسرطنة
*افضل زيت للقلي هو زيت التموين او عباد الشمس أو زيت الذرة.
*زيت الزيتون مش مستحب ابدا للقلي وبيفقد كتير من قيمته لما يتعرض لحرارة عالية.
*السمنة والزبدة الحيواني مش حاجة مفيدة للصحة هي حاجة ضررها أقل، اقل من السمنة أو الزبدة الصناعي لكن اخرك في اليوم معلقة صغيرة من معالق الشاي سمنة او زبدة حيواني.
*لو احتجتوا زيت للطاسة التيفال ومش عايز حاجة فيها دهون او سعرات ممكن نستخدم "الزيت البخاخة الزيرو فات "
خلوا بالكوا من صحتكم، وخذوا بالأسباب، الموضوع مش بس دايت ونخس شوية او نزيد شوية، الموضوع في الأساس هو "جودة حياة" وهو "استثمار في المستقبل" وأننا نأخذ بالأسباب.
