ناس كتير فاكرة او معتقدة ان العسل حاجة ممتازة للدايت او عشان اخس، او انه بديل للسكر عشان أعالج مشكلة مقاومة الأنسولين أو السكري.
ولكن الحقيقة الكلام دا مش صحيح ومش مظبوط.
لا تفعلي مثله
العسل لازم يتم التعامل معاه بحرص شديد زيه زي السكر الأبيض بالظبط، اه العسل فيه فوائد عظيمة صحية للمناعة ومضاد حيوي طبيعي للجسم، وغني ببعض الفيتامينات والمعادن، ولكن كتر العسل هيأثر على وزنك وهيأثر على مقاومة الأنسولين وهيأثر على مشاكل سكر الدم زيه زي السكر الأبيض بالظبط.
كمان العسل كمعلقة "حصة غذائية" فيه سعرات حرارية اكتر من السكر الأبيض و طعمه مسكر اكتر من السكر الأبيض، ودي أسباب زيادة تخليك تتعامل مع العسل بحرص شديد.
زي ما اتفقنا اننا نقلل السكر الأبيض، لازم كمان نقلل العسل واخرك في اليوم "2 - 3 معالق صغيرين عسل ابيض"
مش عشان العسل الأبيض فيه فوايد صحية تاخد 100 جم كل يوم.
––––––
إقرأ أيضاً:أمور هامة لحياة سعيدة
––––––
ساعتها هيحصل زيادة في الوزن وزيادة في الدهون ومشاكل السكر ومقاومة الأنسولين، زيه زي السكر الأبيض بالظبط، وكمان ممكن يؤثر جدا على الكبد ودهون الدم والكوليسترول.
افتكروا دايما "كلوا واشربوا ولا تسرفوا"
