يوم عادي
يشبه لطبيعة أيامي
النهارده زي بكرا
باب مسدود ومالوش أوكرة
وانا مكرهتش في حياتي أد ما بكره..
تكرار اليوم في روتين ثابت
وانا على فطرة تحب التجديد
وانا على فكرة وبالتحديد
عاوز اغير بقى من نفسي
عاوز يومي يكون غير أمسي
عاوز أمشي
واسيبه واعدي ويصبح منسي
ماهي مش واقفة
انا قررت بنفسي أعيش
ولا هستنى انا حد يزورني
ولا حد يقولي يا صاحبي اعذرني
أصلك شايف الدنيا تلاهي
بس انا حالف ليك والله
ان انت واحشني
وجايلك عارف قصرت كتير
طب لو عارف جد انا مين
ف انا مش شايف بني آدمين
وخلاص مش واقفة الدنيا عليك
حلم حياتي بنيته سنين
وانا متعشم كلي طموح
ييجي في ثانية الحلم يروح
يصبح مستقبلي ممسوح
بلا أي ملامح، هحلم تاني وتالت رابع
هنسى الحلم دا وابني جديد
واهو مش واقفة عليه دا كمان
وانتي كمان..
وانتي كمان قولتيلي وداع
طيب سلامات مش طالبة صداع
حبك يتنسى وخلاص يتباع
أو لأ، يتساب مجاناً
مش مستاهلة تماطلي واماطل
ونشوف الحق من الباطل
ونقضي ساعات نحسب غلطات ليا وليكي
ماهي مش واقفة الدنيا عليكي
حالتي المادية الأيام ديه مش أحسن حال
بس انا همشي من دلوقتي زي المثل الشعبي ما قال
قالك اصرف ما في الجيب
واشحت تاني يوم عادي مش عيب
واضحك وتفاءل فك شوية محدش يعرف أيه في الغيب
خلينا نقول ان الدنيا
بتجري السنة زي الثانية
ونعدي المرحلة للتانية
والكل بيتنسى ماهي فانية
فامش مستاهلة نأزمها ونصعبها
علشان زي الناس ماهي عارفة
الدنيا بتمشي ومش واقفة
اقرأ أيضاً: الطريقة الفعالة لإنجاز المهام
اقرأ أيضاً: تعرف ايه عن الغربة؟
