|شمس مصر|.. ابنك مش حرامي

ليه الطفل بيسرق؟
ممكن مش قادر يمنع نفسه وهو عارف ان السرقة حرام بس مش هيقدر يتوقف

ميعرفش يعنى ايه ان فيه حاجات بتاعته وحاجات مش بتاعته، بياخد حاجات طلبها قبل كدا من ابوه وامه ولما ما يلاقيهاش يضطر يحصل عليها من جهة أخرى

محتاج مزيد من الاهتمام نتيجة عدم إشباع عواطفه، يعنى عنده فراغ عاطفي، يحس بالوحده ويعوض دا بالسرقة

ممكن يكون غيران من اللى عند زمايله، وعنده عدم ثقه بنفسه وجهله بحقوق نفسه وحقوق اللى حواليه.. ممكن يسرق الاطفال اللى شايف انهم اهم منه وأقوى منه عشان يشوفوه وهو يعانى من فقدان حاجته
––––––
اقرأ أيضاً:|شمس مصر|.. الحمل وزيادة الوزن
––––––
إزاى نتعامل مع الوضع دا؟
تمالكي أعصابك لما تكتشف الامر دا… دا مش معناه انه خلاص انحرف وبقى سارق..

متاخديش الموضوع موضوع شخصىي هو محتاج اهتمام، مش ينتقم منك… ولازم ميحسش انه انتقم منك

عدم اتهام طفلك بالسرقة الا اذا اتمسك وهو متلبس… يعنى متحسسهوش انك صدقتى كلام الناس على حسابه… لانه لو سرق وأنكر وانت صدقته معنى كدا انه افلت بعقابه وعلميه انه ممكن يكون غير صادق وينجو… وايضاً لو كان الكلام خطأ ..وهو مسرقش يبقى كدا انتي بوظتي علاقتك بيه..
––––––
اقرأ أيضاً:|شمس مصر|.. سحر الحجامة على جسم المرأة
––––––
اغرسى فيه معنى المراقبة لله سبحانه وتعالى وبالقصص والحكايات، متنتظريش انه يسرق عشان تعالجى، امنعي من الاول.
حطيه فى بيئة كويسه بعيد ان اصحاب السوء… واعطيله احتياجاته من قبل ما يطلبها، وعلميه ان ممكن اوقات يكون معاك واوقات لا، ودى طبيعة الحياة، وأن الناس اللى بتاخد حاجة مش بتاعتهم دول ظلموه لانهم محتاجين الحاجات بتاعتهم برضه..

لو فيه صديق سوء ابعديه عنه، او لو صديق له سرق تفهميه انه اخطأ جداً لما عمل كده

افتحى الحوار دايماً يحكيليك عن كل اللى بيحصل عشان دايماً يكون تحت عنيكى

لو شفتيه متلبس بلاش انت حرامى… انت لص… لا هتقولى ان دا غلط...وزي ما انت ما بتحبش حد ياخد حاجتك الناس مبيحبوش انك تاخد حاجتهم

لو سرق بالفعل اقعدى معاه وقوليله ان مهما حصل  هو ابنك وانك بتحبيه وثقتك فيه مش بتهتز عشان ارتكب خطأ واحد، اهم شيء انه يتعلم
––––––
اقرأ أيضاً:|شمس مصر|.. مفتاح من مفاتيح الفورمة (قوة القبضة)
––––––
القدوة … ثم القدوة… ثم القدوة… خليكى قدوته وانك بتحاولى  انك متاخديش ولو ابره خيط من أي حد بدون إذنه طالما مش بتاعتك

خليه برجع الحاجات اللى اخدها ويعتذر

ممكن لو اعترف والموضوع خلص زوديله المصروف.. حتى يشعر بالإشباع.. لو انتى شايفه انه مصروفه قليل