تصاعدت أزمة منع فيلم سعاد من العرض وتسبب ذلك في سحب ترشيحه لجائزة الأوسكار كأفضل فيلم ناطق بلغة أجنبية وأكدت مخرجة الفيلم أن صراعًا يدور في الكواليس حول حقوق الملكية الفكرية للعمل ما بين مؤلف العمل ومنتجه وإنحازت بوضوح لحقوق الكاتب الأصلي للعمل.
وقالت المخرجة أيتن أمين عبر حسابها الشخصي "من المؤسف إني مضطرة اكتب البوست ده سعاد هو المشروع اللي اشتغلت عليه أكتر من 5 سنين وأقدر أقول إنه مشروع عمري وأهم حاجة عملتها الفيلم ده معمول في الأساس للناس في مصر وتحديدًا البنات اللي الفيلم بيحكى عنهم".
إقرأ أيضًا/|شمس مصر|.. تعرض ساندي للسرقة بفرنسا
كما قالت "آيتن" أيضًا شئ حزين في الآخر إني مش هقدر أوصلهم بالفيلم لأنه حتى الآن أنا لا أملك حق عرضه جوه مصر أضافت أيضًا "أنا بعلن بكامل دعمي لمحمود عزت وأتمنى إن الفيلم يتسجل بإسمنا في الرقابة على المصنفات لأننا حتى الآن قدام الرقابة ناس بركة على الفيلم لا السيناريو ملكهم ولا قادرين يقرروا مصير عرضه على عكس ما هو الحال أمام جهاز مصنفات الملكية الفكرية في مصر أو حتى إتحاد الكتاب في أمريكا.
كما أضافت: أنا كمان عايزة أشكر محمود جدًا عشان فضل مساندني من أول لحظه ووقف معانا عشان نحمي الفيلم من التهديدات وعدم قبوله لأي ابتزاز من طرف لا يسعى إلا للحفاظ على مظهره في الصناعة أو مكاسبها المادية من ورا تضحياتنا وتعبنا، وعايزة كمان أشكر سامح المنتج الرئيسي للفيلم واللي عمل حاجات كتير عشان الفيلم ده يتعمل ماتتكتبش في بوست ومنها مواجهة كل التهديدات المستمرة بوقف العروض خارج مصر سواء في المهرجانات أو في العروض التجارية وخلي الفيلم يتعرض في كل حتة في الدنيا ما عدا مصر طبعًا وفي الأخر أي محاولة للصلح من الطرف الآخر مكانتش جادة لأن كان فيها دايمًا تهديد وابتزاز بالورق وأكيد مفيش سبب يخليني متعنتة في الصلح عشان أنا أكيد عايزة أعرض الفيلم اللي شقيت فيه سنين من غير فلوس لحد دلوقتي واللي أطراف كتير منها سامح ومحمود والموزع مخدوش فلوس لحد دلوقتي وأكدت أيضًا "بس أنا مش هوافق إني يتلوي دراعي وأخضع لأي ابتزاز أنا أكتر حد عارف كويس مين اللي قلبه على الفيلم ومين حاول يأذيه وفي الختام قالت الفيلم هيفضل موجود عشان السينما تاريخ ومحدش يقدر يمحي فن اتعمل وأكيد هيوصل لجمهوره في وقت ما وأنا يكفيني شرفًا إني عملته في ظروف صعبة وهفضل فخورة بكل حد إشتغل في الفيلم ده وشكرًا لأي حد بيدعمنا جوه مصر وبراها".
إقرا أيضًا/|شمس مصر|.. "كنده علوش" تحتفل بعيد ميلاد زوجها
ويذكر أن اللجنة المسؤلة عن اختيار الفيلم المصري المشارك رسميًا في منافسات جائزة الأوسكار 2022 حسمت المنافسة الصعبة بين فيلم "سعاد" للمخرجة آيتن أمين
وفيلم "كباتين الزعتري" للمخرج والمنتح علي العربي باختيار الفيلم الأول ليضم رسميًا فيلم سعاد لقائمة الأفلام المرشحة للفوز بجائزة الأوسكار كأفضل فيلم ناطق بلغة أجنبية ولكن تم رفض ترشيح الفيلم في اللحظات الأخيرة بسبب عدم الوفاء بالشرط الأساسي للترشيح وهو عرضه جماهيريًا في قاعات السينما التجارية.
فيلم سعاد من سيناريو آيتن أمين ومحمود عزت وإخراج آيتن أمين ومن إنتاج فيفيد ريل وفيج ليف ويحكي فيلم سعاد قصة أختين في مرحلة المراهقة سعاد ورباب تعيشان في مدينة الزقازيق إحدى مدن الدلتا المصرية ويصور علاقة الأختين بعضهما ببعض والعلاقة المضطربة بين حياتهما في المدينة والحياة السرية التي تعيشانها على الإنترنت.
إقرأ أيضًا/|شمس مصر|.. ابنة الفنان رشوان توفيق تطلب بطلان عقد قسمة ممتلكات والدها
