نصيبي إني مجروحة
وإني طفلة مدبوحة
وسكينة الكل دبحاني
من اخواتي وخلاني
وحتى فرحي مش موجود
وحزني ساكن في وجداني
في جزء في قلبي مات فعلاً
والجزء التاني بقا مدبوح
لا حظ معايا ولا أفراح
ولا مرة في يوم برتاح
وجعني قلبي وبقوة
وحاسة هموت من الأحزان
وكل حياتي عايشة بقهر
ومش بحكي ولا أتكلم
في عقلي بس بتألم
لوحدي رغم كل الناس
بداري وجعي جوايا
وقلبي ضعيف مليه اليأس
بحارب وحدي في ألامي
وأقول الدنيا قدامي
هيجي يوم ويتغير
وأعيش فرحي وأحلامي
ويجي يوم وراه أيام
وحزني في قلبي مداري
أكيد الفرح مش ليا
أكيد الحزن ليا قدر
ومكتوبلي أن يبقى معايا ميمشيش
أكيد الحظ مش ليا
ولا هيسبني وحدي أعيش
أكيد غلطانة في حياتي
وغلطي إني لسه بعيش
....
اقرأ أيضاً: سياسة بريطانيا اتجاه الشرق الأوسط
اقرأ أيضاً: ليتكِ تركتِ لقلبي خيار
