علي ما أعتقد أن أغلبية الشعب المصري أو تقريباً كلهم بيفكروا بطريقة واحدة في الثانوية وهي أن تحديد مصير ولادهم هو مجموع الثانوية وبس ولو مجابش مجموع يبقي كدة خلاص ملوش مستقبل بعد كدة.
خلينا نقول اللي بيحط الفكرة ديه في دماغ طلاب الثانوية هي الأهالي اللي هو لو كنت في علمي لازم تجيب مجموع عالي عشان تدخل كلية طب وعشان أفرح بيك قدام الناس ولو أدبي لازم تجيب مجموع عشان تدخل كلية لغات وترجمه عشان أفرح بيك قدام الناس.
اقرأ أيضاً/انتهاء تصحيح مادة اللغة العربية للثانوية العامة بالكنترولات نهاية الأسبوع.. اعرف التفاصيل
طيب وهو لو مجابش مجموع في الثانوية خلاص كده الحياة هتقف يعني.. لا مش هتقف بالعكس هتمشي لو كانت بتقف كان كلنا حياتنا وقفت من بعد الثانوية.
عمر ما كان مجموع الثانوية تحديد مصير لأي طالب.
تحديد مصيرك في إيدك أنت مش في إيدالمراجعين اللي بيعلموا ورقة امتحانك.. تحديد مصيرك أنت اللي تحدده مش مجموع الثانوية.
اقرأ أيضاً/طلاب شعبة الرياضيات سيحصلون على الدرجة النهائية فى سؤال الديناميكا الخاطئ
وفيها أية لما ماتجبش مجموع في الثانوية عادي هتدخل كلية أي كان كلية أي بس أفكر ازاي استفيد من الكلية دي ازاي اتطور نفسي فيها وافكر لما اتخرج أعمل ايه!
عارفة أن حلمك اللي متحققش عشان مجموعك اللي جبته في الثانوية عادي متزعلش احلم حلم تاني وحققة تقدر تحلم تاني ولو حلمك ده برده متحققش أحلم تالت ورابع لحد أما تحقق اللي عاوزه المهم متقفش لو مجبتش مجموع في الثانوية زي ما كنت عايز!
هو لازم اخاف واترعب من مجموع الثانوية لو مجابتش المجموع اللي أنا عاوزه؟!
مش هقول لا مش لازم تقلق بس طبيعي يكون في خوف لو مجابتش مجموع في الثانوية بس الخوف الطبيعي مش انى أفضل خايف ومرعوب لو محصلش.
اقرأ أيضاً/وكيل الأزهر: أعمال امتحانات الثانوية الأزهرية ستتم وفق الجداول المعلنة ولن تتأثر بإجازة 30 يونيو
واحنا ليه نخاف أوي كدة من مجموع الثانوية؟!
ما هو اللي يحصل يحصل ما دام عملت اللي عليا ما دام قادر احلم تاني لو حلم المجموع متحققش يبقي مخافش.
والأغلبية الناس والطلاب فاكرة أن في كليات قمة زي الهندسة والطب ولغات وترجمة وأن في كليات مش قمة زي حقوق وتربية وتجارة بس تفكيرهم غلط عشان كل الكليات قمة ما دام انت دخلت كلية وركزت فيها هتلاقي نفسك طالع منها وانت محقق حلمك ما هو في ناس بتجيب مجموع عالي وتدخل كلية الهندسة وفي الاخر تفشل فيها ومتحققش حاجة عشان باختصار معملش اللي عليه ناحية المذاكرة مثلا أو أنه ماكنش بيحب هندسة بس دخلها عشان فاكر أنها كلية قمة. حط النقطة دي قدامك دايما لازم تجتهد وتحط حلمك قدامك عشان تقدر توصله.
