-في البداية أحب أرحب بحضرتك معانا في جريدة شمس مصر الإخبارية
•أهلًا بيكِ يا حبيبتي
-ممكن تعرفينا بنفسك؟
-أنا أروى حُسني بنداري من محافظة الشرقية مركز أبو كبير عندي 16 سنة
•ممكن تعرفينا موهبتك؟
-الكتابة
-ممكن تكلمينا عن الكاتبة أروى حسني؟
•بدرس في المدرسة الثانوية للتمريض وبحمد ربنا إنه اختارني أكون في هذه المهنة العظيمة حتى لو يرىٰ الآخرون عكس ذلك برغم كُل الصعوبات التي أواجهها في بداية دراستي في هذه المهنة إلا أنني أُحبها كثيرًا، مُقيمة في أبو كبير تابعة لمحافظة الشرقية
-اكتشفتي موهبة الكتابة ازاي؟
•في الحقيقة أنا كُنت بمر بفترة اكتئاب ومكنش فيه أي شخص معايا أو كان فيه أشخاص كتير في حياتي ولكن لما وقعت ملقتش حد منهم، اتجهت إني أكتُب كُل شيء جوايا واللي حاسة بيه ومن بعدها وكُنت بكتُب
اقرأ أيضًا/|شمس مصر|.. شمس مصر في حوار متميز مع الكاتبة غنوة أحمد
-قدرتي تطوري كتاباتك ازاي؟
•بدأت أقرأ كُتب أكتر وبدأت أشوف ورش كتابة على اليوتيوب
-مين أفضل كاتب أو كاتبة بالنسبة ليكي؟
•د/مُحمد طه
-مين أكتر شخص كان داعم ليكي؟
•في البداية كانت آلاء أختي لما كانت بتقرأ اللي بكتُبه كانت دايمًا تقولي واثقة إني هشوف اسمك على كتاب، بعد كده لما بدأت أنزل كتاباتي على السوشيال ميديا كانت والدتي بتدعمني في كُل خطوة بعملها، ووالدي وأخواتي
-بدأتي تكتبي من امتى؟
•في شهر 9/2021 كان أول نص أكتُبه
اقرأ أيضًا/|شمس مصر|.. شمس مصر في حوار خاص مع الفنانة إسراء جمال
-أي هي أحب النصوص أو الكتابات ليكي؟
•عزيزتي أنا
أعلم أن الأيام ثقيلة ولا شيء فيها من الوضع الذي تُحبينهُ، وأنك قلقة من الحاضر والمستقبل، ولكن لَعل القادم يُصبح أفضل، وتمتليء أيامك بالسعادة والإطمئنان وعسىٰ أن تُحقَق دعواتك يومًا.
-في خلال الفترة اللي بدأتي تكتبي فيها اتعرضتي لكلام محبط من الناس اللي حواليكي؟
•أكيد، البشر بطبيعتهم بيحبوا ينتقدوا، أول نص كتبته لما خليت زميلة ليا تقرأه استهزأت بيا في البداية، ولما بدأت أنزل كتاباتي ناس كتير كانت بتقولي مش هوصل لحاجة وهاخد ايه من الكتابة لكن قدرت اتخطى كُل الكلام السلبي اللي بيتقالي وبركز على إني أطور من نفسي أكتر
-شاركتي في معرض القاهرة الدولي للكتاب قبل كده؟
•لا، أول عمل ليا هينزل المعرض السنة الجاية إن شاء الله
-أي اللي عاوزة توصلي ليه في يوم من الأيام ككاتبة؟
•إني أقدر أوصل إحساسي لأى شخص بيقرأ لي.
اقرأ أيضًا/|شمس مصر|.. حوار صحفي مع صانع المحتوى "علاء حامد"
-كلمة حابة توجهيها للكُتاب المبتدئين
•أحب أقول ليهم ولنفسي، استمروا في الطريق اللي انتوا حابينه وحاولوا تطوروا من نفسكم شوية، ومتسمعوش لكلام أي شخص يحاول ينتقد اللي بتكتبوا
-كلمة حابة توجهيها لجريدة شمس مصر الإخبارية
•شُكرًا ليهم جدًا علي الحوار الجميل ده، وإن شاء الله في مزيد من التقدم والنجاح
-ان شاء الله
-أنا اللي حابة أشكرك واتمنى ليكي دوام التوفيق والنجاح
•حببتي تسلميلي والله
اقرأ أيضًا/|شمس مصر|.. حوارُ فني مع الرسام الموهوب "يسري فوزي"
