كلنا عارفين الظروف اللي بيمر بيها العالم من إنتشار فيروس كورونا مرورا بشهر رمضان و تقلب الجو ، و محتاجين بعض التعليمات أو النصايح اللي تساعدنا علي تقوية المناعه و نحمي نفسنا و لو بنسبه بسيطه من إنتشار العدوى و ده ممكن نلخصه فبعض العناصر:
1-إبعد عن الأماكن المزدحمة و خليك حريص إنك متقربش من حد أو لمس أي شخص لأنك متعرفش مين ممكن يكون مصاب و ينقلك العدوى بالإضافة لإن ده هيساعدك تعدي اليوم بسلام و راحه نفسيه أثناء الصوم.
2-خليك حريص على الوضوء عند كل صلاه و النظافة الشخصية و إستخدام الصابون و معقم اليدين.
3-النوم ما لا يقل عن 6 ساعات و الأفضل تكون بالليل في مكان هادى بعيد عن الاجهزه التكنولوجيه ، و النوم مثبت علمياً إنه بيزود كفاءة الجهاز المناعي إذا كان بشكل منتظم.
4-الرياضه المعتدله يعني متزيدش عن ساعه في اليوم و تجنب ده في رمضان بعد الفطار مباشرة لأنه ممكن يأثر بالسلب علي الدوره الدمويه.
ما لا تعرفه عن أضرار الأطعمه المعتاده في رمضان
5-خليك هادى ، إبعد عن العصبيه و التوتر لأن ده بيضعف جهازك المناعي ، وكمان ممكن العصبيه تفقدك أجر الصيام.
6- و أخيراً حاول قدر الإمكان تاخد التطعيمات الموسميه زى مصل الأنفلونزا و التطعيمات المتوفره في المستشفيات المجاوره ليك ، و ده من أهم العوامل اللي ممكن تحميك و تقوي مناعتك.
