لمسات رمضانية"6"

النهارده هنتكلم عن عادات بسيطه ممكن تعلميها لطفلك في رمضان هتأثر عليه بعد كده لما يكبر بشكل كبير و دى اللي إحنا إتربينا عليها و بتحسسنا بفرحة رمضان:

1-عودى أطفالك يعملوا زينة رمضان بايديهم و يعلقوها في البيت و إشتريلهم فوانيس.

2-إتكلمي معاهم و إشرحيلهم إن الشهر ده للعباده و لو هيتفرج على حاجه تكون هادفه و مناسبه ل سنه و يستفيد منها.

إقرأ أيضاً// لمسات رمضانية ٤

3- لما تكلمي أصحابك و قرايبك تهنيهم بالشهر المبارك خلي أطفالك يكلموهم و يكلموا أصحابهم علشان يفرحوا و يكونوا علاقات كويسه و موده مع الناس.

4-حفظي  أطفالك آيات قرآنية و لو كل يوم آيه واحد و إختاري آيات قصيره علشان تكون سهله فى الحفظ و يحس إنه عمل إنجاز  و حفظ 30 آيه في 30 يوم ، و علميهم السنه النبويه و إشرحيلهم كل يوم حديث واحد قصير يكون سهل الفهم و يعرفوا قصته.

5-لو طفلك عدى 10 سنوات لازم تعرفيه أن صوم رمضان فرض ، و تبدأي  معاه مره يصوم للظهر و مره للعصر و هكذا لحد ما يكمل للمغرب.

6-لازم يكون عندو صبر على طفلك و إعملي ليه مكافأه كده صغيره على كل حاجه يعملها و مهما كانت صغيره الطفل بيفرح بيها لأنها بتكون نتيجة تعبه و هتشجعه يكمل.