تعرف فلان ؟!...أيوة أكيد.. طيب عاشرته؟ .. لا .. يبقي متعرفهوش.
أي واحد فينا بيفكر نفسه إن هو بيفهم لدرجة إن يقدر يعرف شخصية اللي قدامه من غير مايتعامل معاه ومبيقتنعش بعكس كده غير لما الشخص ده يتحط في موقف يخليه يبان على حقيقته.
وأكبر مثال علي كدة
جاء رجل إلى عمر بن الخطاب رضي الله عنه معه شاهد يشهد عليه قال: أحضر بمن يعرفك فجاء رجل قال: هل عرفته؟، قال: نعم، فقال عمر رضي الله عنه وكيف عرفته؟، هل جاورته المجاورة التي تعرف بها مدخله، ومخرجه؟، قال: لا، قال: هل عاملته بالدينار والدرهم الذي بهما تعرف بهما أمانة الرجال؟، قال: لا، قال: هل سافرت معه السفر الذي يكشف عن أخلاق الرجال؟، قال: لا، قال: عمر رضي الله عنه: فلعلك رأيته في المسجد راكعًا وساجدًا فجئتَ تزكيه!!!!، قال: نعم يا أمير المؤمنين، فقال عمر رضي الله عنه اذهب فأنت لا تعرفه، ويا رجل أحضر برجل يعرفك فهذا لا يعرفك
لازم نستفيد من الكلام ده لأن
فعلا محدش يقدر يعرف حقيقة الناس غير بالعشرة
لازم تكون قضيت معاه وقت كبير عشان تعرفوه كويس لأن كلنا عندنا كذا وش بمعني إن أي إنسان بيتعامل مع أصحابه بشكل ، ومع أهله بشكل تاني ومع الناس اللي بيحبها برضه بشكل وهكذا،
وأكتر حاجة هتبين حقيقية الناس دي هي المواقف
فلازم منتسرعش في الحكم علي أي حد
لازم نعرفه كويس عشان منتصدمش فيه
والأهم من كل ده لازم كل واحد فينا يتوقع أي حاجة من الناس الجديدة اللي لسة داخلين حياته عشان ميتصدموش ونفسيتهم تتعب بسبب ثقتهم الزيادة لأن محدش بيتعلم بالساهل وخلي ديما الضربة اللي توجعك تقويك مش تضعفك عشان زي مافي ناس بتكرهك وتحقد عليك فيه ناس بتحبك وبتخاف عليك .
في نوع من الناس تفتكرها ملايكة ومع أول مشكلة يتنازل بسرعة عن مبادئه عشان يحصل علي غرضه ويتقلب عليك عدو بعد مكان أعز صديق لما يحس إنك بدأت تشكل عليه خطر أو هتكشفه قدام الناس
وأكيد في ناس صادقة وقلبها أبيض بس للأسف الأغلبية هما الأسوأ.
يقول الله عز وجل (( إذ تلقونهُ بألسنتكم وتقولون بأفواهكم ما ليس لكم بهِ عِلم وتحسبونه هيناً وهو عند الله عظيم))
الآية دي بتعرفنا إن الكلام علي الناس بغير عِلم هو جرم كبير وربنا هيحاسبنا علي كدة لأن الشخص ده ممكن يكون عند ربنا أحسن منك .
خلاصة الكلام إن((( طول ما أنت عايش هتشوف وطول ما أنت بتعاشر هتفهم))))
