تريند السوشيال ميديا الحصري والذي تدور حوله الأحداث هو زواج ايمان رمضان ولكن فرحتها لم تكتمل بعد نشر الصور ورأت التعليقات التي لم تكن منصفه لهابالمرة كانت التعليقات سخيفة جدا وعنصريه مثل :"ربنا يكون في عونه لما تشيل الميكب ،"فين ايمان دي محمد رمضان اجمل منها "،وتعليقات اسخف من كدا بكتير اولا ايمان مش اول واحده تتعرض للتنمر بل هناك العديد ،
إقرأ أيضاً\الاكتئاب وأنواعه شديدة الخطورة
ومنهم هدير البنت البسيطة اللي اتريقوا علي الميكب ولبسها وبرضه كانت عروسه وفرحتها اتكسرت وكمان خطيبها سابها . وطبعا مش هننسي شيكابالا الاعب المعروف الللي اتريقوا عليه وبهدلوه هو وابنه، الناس دلوقتي بيتريقوا علي التخين والرفيع والطويل والقصير واللي بيتريقوا علي ذوي الاحتياجات الخاصة
اللي دايماً يقولوا علي الناس البيضا الملونه جميله وقمر والسمر وحشين؟الولاد اللي تنمروا علي الطفل الأسمر من فتره ،الممثلين اللي بيقولوا علي السمر افيهات سخيفه في السينما والمسلسلات لحد ما الناس اعتبرت ان رمز الجمال البشره الفاتحه!؟،وكمان الست صاحبه فيديوا "ام حمودة بتقولي انتي تخنتي شكرا يام حمودة انا مش باكل من تلاجه ابوكي "الفيديو دا اتشهر جدا لدرجة انها طلعت في برنامج وقالت إن في خلافات بدأت بينها وبين جوزها كانت هتوصل للطلاق بسبب التنمر عليها والكلام اللي بيتقالها تخيل دي تبقي اختك وبيتها يتخرب بسبب كلمة زي دي .
أقرأ أيضا/التفكك الأسري وتوابعه
وتخيل أن ممكن الشخص اللي اتريقت عليه دا ينتحر وتبقي انت السبب كل شخص ليه طاقه معينه ممكن ميستحملش كلامك في برنامج the voice kids ولد سنه مايتعداش ١٥سنه قال انه استحمل تنمر كتير في حياته بسبب انه جسمة تخين وقال إن صاحبه انتحر عشان مقدرش يستحمل نظرات الناس ليه طب ليه بنعاقبهم بالطريقة دي احنا بنموتهم بالبطئ وكأن كل واحد فينا كامل معندوش عيوب الكمال لله.انت متخيل أن شاب ينتحر بسبب كدا طب تخيلةكدا لو الشخص دا اخوك رد فعلك هيبقي ايه لما خسرته شوفوكده حرقة قلب مامتك علي اخوك لو تخيلتها هتلاقيها صعبة .
طب ليه نخلي كل واحد يكره شكله أو جسمه متخليش حد يسأل نفسه هو انا وحش! ؟ليه الناس بتعاملني كده!؟لان دا اسوء شعور ممكن اي شخص يحث بيه ، ليه بنعاقبه علي حاجه مش من صنعه كل واحد ربنا بيميزه عن غيره عمر جمال البنت ماكان بشكلها أو شعرها الطويل مفيش بنت وحشه كل بنت ليها جمالها الخاص اللي بيميزها عن غيرها ممكن بدل ماتكسر خاطره تقولها كلمة تخلي معنوياتها ترتفع لحد السما وتكسب ثقه في نفسهاوفي الناس وافتكر دايما ان الكلمة الطيبه صدقة.
يقول الله تعالى :
" ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون "واوعو ا تنسوا أن كما تدين تدان وان كل دا هيترد في يوم من الايام .
إقرأ أيضا/لا تربوا علي أخلاق زمانكم رفقا بأبنائكم
