الفصل الأول "الفتنة" من رواية "ميلاد شيطان"

 الفصل الأول "فتنة" من رواية "ميلاد شيطان" 
 

هو فيه ايه هو الواد ده مش عاوز يصحي ليه الساعه بقت ٥ المغرب ولا هيصحلنا امتى ان شاء الله.. قوم يا واد قوم شوف مصالحك قوم شوف موبايلك اللى عمايل يرن ده هتطرد من الشغل وتبقي عاطل قوم يا زفت.

ديه ماما كل يومين والتاني زعيق زعيق زعيق.. نسيت اعرفكم أنا مازن عندي 24 سنة شغال محاسب في بنك وخطيب مروة زميلتى في الشغل وعلى وش جواز، انا عندي اخ بس توفي كان اسمه محمود وبقيت عايش لوحدي مع عيلتى من ساعة ما توفي وانا عندي حالة نفسية بتجيلى اوقات وهى الاكتئاب.. عندي مشاكل كتير مع اهلي ومع خطيبتي علي كل حاجه معنديش صحاب كتير ومش بعرف اتكلم ولا احكي لحد علشان كده دايما يكتب مذكراتي هنا في الكشكول ده واوقات كتير بكتبها وانا في بيتى اللى بجهزه علشان اتجوز فيه، وعلشان كده قررت اكتب حكايتى.

في يوم روحت الشغل بتاعى واول ما روحت لقيت مديري الاستاذ عصام عمال يزعق وطايح في الكل ومن سوء حظى الدائري كان واقف واتأخرت علي الشغل وطبعا معدتش عادي اول ما شافني داخل متأخر بصلي وقعد يقولي

عصام بعصبية: وادي استاذ مازن جاي متأخر كمان ده مبقاش شغل بقي ايه الاستهتار ده!!
مازن: والله يا استاذ عصام الدائري كان واقف. 
عصام : من غير كلام كتير يا استاذ مازن اتفضل علي شغلك انت عارف عندنا مشاكل قد ايه في البنك اتفضل على مكتبك عندك شغل كتير النهارده.

روحت علي المكتب وانا متضايق جدا لأن مش انا سبب التأخير هو انا يعني اللى قولت للدائري أقف! وبعدين هو يزعقلى قدام كل الناس اللي في البنك ليه! استغفر الله العظيم أما نشوف الشغل اللي عاوزه يخلص علشان اخلص وامشي.

خصلت فعلا الشغل وسلمت كل حاجة كانت عليا ومشيت أنا ومروة كنت متضايق بسبب اللي حصل أول اليوم وانو زعقلى قدامها.

مروة: مالك يا مازن؟
مازن: ماليش عادي
مروة: متخبيش عليا قولي فيه ايه؟
مازن: مقريف بس من اللي حصل الصبح
مروة: طب ما برضو يا حبيبي انت جيت متأخر نص ساعة مش حتى خمس دقايق.
مازن بعصبية: يعني هو كان بمزاجي يا مروة ما قولنا إن الزفت كان واقف.
مروة: أنت بتزعقلي أنا ليه هو انت هطلع عليا قرف اليوم ما انا كمان قرفانة زيي زيك من الشغل ولسه بليل عاوزه انزل اجيب حاجات الجهاز بتاعت المطبخ.
مازن محاول انو ميتعصبش: وصلنا يا مروة.. سلميلى علي ماما.
====
اقرا أيضا/ بريطانيا تفتح المدارس فى ظل أجواء فيروس كورونا.
====
مروة نزلت متعصبة و زقت باب العربية جامد و انا مشيت علي طول من غير ما ابصلها حتى.

روحت البيت مكنتش طايق نفسي أمي قالتي الأكل جاهز يا مازن بس انا مليش نفس فمكلتش معاهم امى دخلتلى الأوضة وقالتلي

والده مازن: مكلتش ليه يا مازن
مازن: ماليش نفس يا ماما
والده مازن: يابنى حرام اللي بتعمله ده كل يومين والتاني تقولي مليش نفس يا ماما يابني حرام عليك صحتك.
مازن: بصي يا ماما انا علي اخري ومش ناقص تقطيم.. انا نازل.

نزلت كلمت العيال صحابي قولتهم انا جالي علي القهوة.. دخلت قعدت معاهم بس كنت قاعد متضايق حبيبت اتكلم معاهم رغم اني مش بتكلم كتير عن مشاكلى وهما الاتنين تلاته اللى لسه معايا من صحابي فمش عاوز اخسرهم.

محمد: مالك يا مازن متضايق ليه؟
مازن: عندي شوية مشاكل في الشغل وفي البيت ومع خطيبتى والدنيا مبهدلة.
أحمد: لا بقولك ايه مش وقت الكلام ده دلوقتي انا رايق ومظبط نفسي علشان اتفرج علي ماتش المنتخب بمزاج.. احكي في وقت تانى أو لو مستعجل اوى حضر حد تتكلم معاه زى ما مصطفي بيعمل الحاجات الغربية ديه! 
=====
اقرا أيضا / الثبات على الطاعة بعد رمضان
=====
نسيت اقولكم إنى بحب المغامرات والرعب وبعمل إسقاط نجمى أوقات وبقرأ رعب كتير جدا ودايما بعمل سيرش علي جوجل علي حاجات زى ديه بس عمري ما فكرت أحضر حاجة فعلا.. مع اني ليا ناس اعرفها بتحضر و ليها في السحر والدجل والشعوذة وكده ومش بيحصلهم حاجه. 

قعدو بضحكوا ويهزوا بس الكلمة علقت معايا اوى..حضر حد تتكلم معاه.. سبتهم وقولت اني مروح علشان مصدع وهنام كده كده مليش في الماتشات و كده.. اول ما مشيت جه في بالى حمزة صحبى من زمان ايام ما كنت بروح العب في الشارع عند جدتي هو ليه في شغل التحضير و الحاجات ديه كلمته وقولتله اني عاوز اقبله وقابتله بالفعل واتكلمنا
====
اقرا أيضا/ ترامب يقطع علاقته بمنظمة الصحة العالمية
====
مازن: انا عاوز أحضر.
حمزه: تحضر؟ تحضر ايه!
مازن: احضر يا حمزة احضر حد اتكلم معاه جن يا حمزة.
حمزة: بس انا اول مره اسمع منك كده وعمرك ما اتكلمت معايا في حاجه زى ديه.
مازن: واديني اتكلمت.. شوف بقي هتقولي ايه وانا عمله بالظبط.
حمزة: بص خد الكتاب ده فيه شوية كلام وطلاسم قولها في أجواء هقولك عليها وبعدين هتعرف تحضر.. بس خد بالك اللى يحضر وميعرفش يصرف بيضيع يا مازن.

خدت الكلام عادي واخذت الكتاب وروحت.. بس مروحتش لأهلى.. روحت بيتي اللى بحضره علشان اتجوز فيه وقعدت لوحدي وفتحت الكتاب.