بعد عودتها من العمره فجر يوم ١٥ رجب بدأت رحلتها العلاجيه والتي استمرت أربعين يوما ولكنها الآن في داخل بيتها بعد أن تم شفاؤها بفضل الله.
فالعديد من الحالات المصابة تتماثل للشفاء بنسبة كبيرة لا بأس بها على الرغم من كونه فيروس لعين قد يودي بحياة الإنسان لأنه ليس له علاج حتى الآن.
ولكن كيف كانت الحياة داخل العزل؟
كان هذا أول سؤال في حواري مع دكتورة ايمان. دكتور نسا وكانت أول مصاب بالفيروس بمحافظة المنوفية وشفيت الحمد لله.
اقرا ايضا احفظو القران قبل ان يرفع
أجابت.. كنت أجلس في غرفة بها حمام والباب مغلق بمفتاح من الخارج لأنه ممنوع المريض يخرج وأنا كنت أعلم ذلك ولم أحاول فتحه
وكان معي الموبايل وكتبي.
-ماهو الروتين اليومي داخل مستشفى العزل؟
الساعة التاسعة صباحا تأتي الممرضات بياخدو العلامات الحيوية ( vital signs) لقياس نسبة الأكسجين في الدم وده مهم جدا لأن لو النسبة دي نزلت فده معناه تدهور في الحالة فلازم تكون النسبة ٩٨ أو ٩٩ فده معناه أن المريض كويس والرئة لم تتأثر بالدرجة المخيفة. وكمان بيتم قياس الضغط والنبض ودرجة الحرارة.. نفس الروتين ده كان بيتم الساعه ٩ مساء وده الميعاد التاني لقياس العلامات الحيوية.
-كيف يتم التعامل مع المصابين من قبل الطاقم الطبي؟
المعاملة كانت حسنة جدا وكانوا خايفين جدا علينا. كانت بتجيلي وجبات فطار وغدا وعشا صحية جدا وفيها كل العناصر كربوهيدرات وخضار وثمرة فاكهة وعصير وأنا كنت بشرب سوائل دافئة وعسل أبيض والليمون مهم بردو. وكانت الممرضة بتنضف الغرفة باستمرار وتمسح الأرضية والأسطح بالكلور المخفف.
-ازاي الطاقم الطبي كان بيحمي نفسه أثناء التعامل؟
كانوا لابسين اللبس الوقائي دايما بحيث كان الشخص قدامي كل جسمه متغطي مش ظاهر منه شىء أبدا. كان الأفارول الأصفر وكمامتين واحدة منهم كانت N95 وال glaves وأيضا واقي في القدم ونظارة على العين وقناع على الوجه
-إيه هو العلاج أو الأدوية المستخدمة
كنت باخد الأدوية بعد الفطار وبعد العشا مرتين في اليوم كل ١٢ ساعة وكان عبارة عن دوا اسمه oseltamivir ومعاه Tamiflu وبعدها أخدت chloroquine وده دوا الملاريا. كمان كنت باخد جلسات تنفسيه بعد الفطار وبعد العشا حاجه اسمها heparin و xylocaine بجهاز نيبولايزر ( nebulizer).
كمان كل خمسه أيام بيعملو آشعة عادية على الصدر وبيتم سحب عينة دم لمعرفة وظائف الكبد والكلى وصورة دم كاملة لمعرفة عدد كرات الدم البيضاء ونسبة الهيموجلوبين.
-متى تتحول حالة المريض من إيجابي لسلبي؟
المسحات كانت بتتاخد من الأنف والحلق وبتتاخد كل أربع أيام وبيتم فحصها بجهاز PCR
لو لسه فيها فيرس بتكون إيجابي ولو مفيهاش بتكون سلبي
وعشان المريض يخرج من المستشفى لازم مسحتين بينهم ٤٨ ساعة تكون نتيجتهم سلبي كدة يبقي المريض ربنا شفاه ويقدر يخرج.
-هل الدعم النفسي مهم للمريض؟
الدعم النفسي هو كلام مش مثبت أوي ولكن الخوف والتوتر بيضعف المناعة والبيئة المحيطة بالمريض اللي بتدعمه وتطمنه أكيد أفضل وأنا لقيت الحمد لله ده في الناس داخل المستشفى كويسين جدا ومعاملتهم ممتازة مع الجميع..
في النهاية لازم ناخد كل زج الإجراءات الوقائية اللازمة عشان نحمي أنفسنا وغيرنا ونساعد في منع انتشار المرض.
