من المعروف أن فرحِة البنت مرتبطة ببشرتها وجمالها، وأن البنت مودها بيتغير فورًا بعد استخدام ماسك أو روتين معين، وعلشان العيد فرحة فهنشوف مع بعض نصائح للبشرة علشان نستقبِل العيد ببشرة حيوية ومشرقة، وكمان هنعرف مع بعض إزاي نقضي عيد مبهج فى البيت.
__________
اقرأ أيضاًمع قدوم العيد...نصائح بسيطة لتنظيف المنزل سريعاً.
__________
أولًا العناية:
١- العناية بالشعر:
-هنحُط زيت قبل الشاور سواء زيت جوز الهند أو زيت اللوز أو زيت زيتون، مع تدليك فروة الرأس وهنسيبه لمدة نص ساعة ونغسله بالمياه الفاترة أو الباردة.
-تجنُب استخدام المياه الساخنة للشعر.
-تدليك فروة الرأس بأطراف الأصابع بحركات دائرية، مع استخدام الشامبو لمنع التشابُك.
-استخدام البلسم يكون فى نص الشعر لحد أطرافه، وبحذر أنه ميوصلش لجذور الشعر ويُترك لمدة دقيقتين بس ونغسله.
٢- العناية بالبشرة:
- غسل الوجه مرتين فى اليوم بالغسول المناسب لنوع البشرة.
- إزالة شعر الوجه بالطريقة المناسبة وتجنبي تجربة طريقة جديدة قبل العيد.
- تقشير الوجه وعمَل ماسك تفتيح.
- استخدام المرطب بعد التقشير والغسول.
- شُرب كميات مناسبة من المياه خصوصًا فى الصيف؛ لأن البشرة محتاجة تكون رطِبة دايمًا.
- لو فيه حبوب تجنبي أنك تلمسيها وتلمسي مكان تاني لأنِك كده بتنقلي الحبوب.
- للشفاه: سكر وزيت زيتون مع التدليك بهدوء، ويمكن إستبدال الزيت بالعسل، وبعدها مرطِب شفايف والأفضل استخدام مرطب الشفايف قبل النوم.
- للهالات السوداء: هنعمل شرايح من البطاطس، ونحطها فى الثلاجة ونستخدمها تحت العين.
- ماسك تفتيح: هنستخدِم نص كوبايه من الرز مع ٣ أو ٤ معالق من الحليب، هنطحَن الرز ونخلطُه بالحليب، ويُترك لمدة نصف ساعة، يُغسل بالمياه الدافية.
________
اقرأ أيضاًطرق تقشير البشرة فى المنزل
_________
- ماسك التقشير بالفحم: هنستخدِم نُص معلقة صغيرة من الفحم النشِط، ونُص معلقة صغيرة من الچيلاتين، مع معلقة كبيرة من الماء المقطر، هنخلط المكونات مع التقليب المستمر لحد ما يكون لزِج ونستخدمه.
٣- العناية بالجِسم:
- بعد الشاور نستخدِم لوشن نوعه كويس، ريحته حلوة، ويكون مُرطِب.
- إسغتخدام طريقة مناسبة وآمنة لإزالة شعر الجسم، وبلاش نسترخَص أو نجرب شئ جديد قبل العيد.
- الترطيب ثم الترطيب مهم للجسم زي ما هو مهم للوجه بالظبط.
- عمل مقشر للأماكن الداكنة زي الكوع والركبة وهو عبارة عن "سكر وليمون" مع التدليك بحركة دائرية، والترطيب بعدها بمرطِب خفيف وسريع الإمتصاص.
- استخدام زيت زيتون مع التوم للأظافر.
- عمل باديكير للرِجل واليدين.
ثانيًا التجهيز للعيد:
- لِبس بيچامة مريحة مع استخدامك عطرِك المفضل.
- هنحُط ميك أب خفيف، مع تسريحة شكلها حلو وطبعًا مريحة.
- جهزي كل مالذ وطَاب من الأكل المُفضل والتسالي والمشروبات الباردة والساخنة.
- اعملي قائمة من الأفلام والمسرحيات الكوميدية اللي هتتفرجي عليها.
- جهزي هدايا رمزية فرحي بيها أهلِك، مثال: شنطة صغيرة فيها حلوي وكارت معايدة لطيف.
- علقِي زينة وبلالين وفروع نور تعطي بهجة، وافتكري أن فرحة العيد سُنة.
- اتصلي بالناس اللي بتحبيها عيدي عليهم، أو أبعتيلهم مسچ.
