قادرة اكمل. مكنتش اتوقع فيوم انى هقدر اقول لا، لا للحاجه اللى كانت سبب ف انكسارى فيوم من الايام، لا للشخص اللى استغنى عنى، لا لكل دمعه نزلتها فيوم بسببه، ايوه انا بقول لا، انت دلوقتى رجعلي تقولى يلا نرجع ف انا قلت لا، لا وانا فرحانه وانا مبسوطه لا ونا واثقه انك خلاص مت بالنسبالى انك مبقتش حاجه فحياتى لا لفشلى وخوفى، لا ليك انت شخصيا، ايوة انا بقيت ناجحه ومشهورة ومحبوبه من ربنا قبل الناس، دلوقتى راجع لى؟ راجع وطبعا واثق انك هترجع تلاقيتى الست الضعيفه اللى هتقولك ايوه يلا نرجع انا مليش غيرك، ههه لا انا ليا غيرك وليا كتير اوى كمان، عايزة اقولك شكرا شكرا للوقت اللى سبتنى فيه، انت عارف ان الوقت دا قوانى اكتر وخلانى اقف قدامك دلوقتى واقولك لا، شكرا لانك بعدت وخلتنى اكتشف نفسي، شكرا لانك بعدت وبعدك دا خلانى ناجحه وتخطيت اللي انا فيه دا، شكرا عشان خلتنى اقف قدامك دلوقتى واقولك لا، مش محتجالك فحياتى وقادرة اكمل.
اقرأ أيضاً: سيمر كل شئ
اقرأ أيضاً: من المخطئ الأباء أم الأبناء
اقرأ أيضاً:خب بنكهة العذاب
