المشهد الثاني.....
كل يوم أعجز فيه عن نسيان ما حدث، كل يوم انتظر رجوعي إلى سابق عهدي، تحتقن الدموع في عينيي و تزداد مراره حلقي و نغزات قلبي و يبقى عقلي ينظر لي متعجبا متهكما أرأيتي إلى أين وصلنا؟، أرأيتي ما الذي تفعلينه بكِ أصبح لونك شاحبًا أصبحتي هزيله و لم تقوي على مواجهة أي شئ أرفض كل ما تقومين بيه كل أفعالك خاطئة استسلامك خطأ، التفاتك للخلف خطأ، وجودك عند تلك النقطه خاطئ، كل شئ أصبح خطأ كبير تفعلينهُ في حق نفسك إلى أين تريدين الوصول، إلى متى سوف تظلين على هذه الحاله؟...... لا أمتلك الرد و أشعر أنه يقسى عليّ لا أمتلك رد لأُخرسه ف أَجهش بالبكاء حتي أغيب عن الوعي و أذهب في ثُبات عميق حيث لا تفكير فيه و لا قسوة ولا لوم و عتاب.
_زهراء بما إنك طلعتي صاحبتها و قريبة منها كلميها و أعرفي رأيها إيه فى الموضوع، أنا مقدرش أروح أكلمها في حاجه زي دي، دي بنت أخت صاحبي مقدرش أخسره بعد العمر دا بسبب موقف زي دا.
+أكلمها ف إيه يا ابني أنت بتهزر دي مهاجره مع أهلها بعد يومين مهاجره مش مسافره يومين الساحل و راجعه أنت مستوعب بتطلب إيه؟
إنفعل وليد من رد زهراء
_ يعني إيه هتختفي خلاص بعد ما لقيتها، طب علي الأقل تعرف حقيقه مشاعري تجاها و بعدين تقرر تهاجر ولا لا، و حتي لو عايزه تهاجر هروح معاها بس تعرف.
+ خلاص طيب أهدي هكلمها و أقولك.
+سيجال ممكن تحاولي! علي الاقل أديله فرصه تتكلمي معاه و تتعرفي عليه، الأكيد انه مش زي غيره متحكميش عليه و ترفضيه من غير ما تعرفيه، شكله شاريكي بجد.
قالتها زهراء بصوتها الحاني و نظرات ممزوجه بحب و رجاء خوفًا عليها و علي سنوات عمرها التي تذهب هباء، و لكن رد سيجال و انفعالها فاجئها.
*مش هحاول تاني، المحاولات بقت تأذيني، انا مش بعرف اصبر بس صبرت، مش قادره احاول تاني خلاص المحاولات بتأذيني بتدمرني مش هرجع مكسوره تاني، محدش بيصعب عليا غير نفسي، محدش بيتعب غيري انا بجد تعبت و تعبتني معايا
محتاجه هدنه محتاجه ابطل تفكير، محتاجه يبطلوا يتكلموا عايزه ابقا لوحدي بس، انا كدا كدا لوحدي كدا كدا محدش فاهمني ولا حاسس بيا و لا سامعني ف مش هتفرق انا كل يوم بنام دموعي ع خدي ولا حد مره خد باله و سأل كل يوم الضغط النفسي و العصبي بيزيد عليا و مش مبسوطه باللي بعمله
انا طول الوقت بحاول أرمم نفسي و اطبطب عليا و احضني و اهون عليا و محدش فكر يعمل دا ف امس اللحظات اللي بتعدي عليا، كل اللي يعرفوه اني أوڤر و بكبر الموضوع و بديه اكبر من حقه و بس اللي ورا الكواليس محدش يعرفه و لا هيعرفه، و بعدين أنتي بتطلبي مني إيه أنا خلاص ههاجر و هبعد هبدأ أنا و إبني بعيد عن أي مشاكل.
اقرأ أيضاً: محمد شاهين يطرح ألبومه الجديد "100 هزه"
اقرأ أيضاً: صدفة
اقرأ أيضاً: حتي حين
