" أحياناً تكون اللعنة منحه لا محنه "
مي: ميرال ميرال انتي شيفاني ميرال يا ميرال إنتي سمعاني طيب.
عمار: بعد اذنك ممكن تسيبني أنا أفوقها.
ظلت تردد بصوت عالي.
ميرال:ملك متسبنيش، متسبونيش لوحدي مهند قولهم يفضلوا.
مي:ميرال يا حبيبتي فوقي اصحي، الله يسامحك كان لازم توديها مكان الحادثه، ميرااال.
مريم: مي شكل الكاوبيس رجعتلها، لازم حد يعمل اللي عمر كان بيعمله.
أحمد:لا مقدرش ما تبصوليش.
عمار:يعمل إيه؟! وهو عمر كان بيعمل إيه؟! واشمعنا عمر؟!
أيه:ميرال عشان تفوق لازم حد يضربها بالقلم، والوحيد اللي كان بيقدر يعمل ده كان عمر.
عمار:وتضربوها ليه؟!
مي:هي مش هتفوق غير كده جربنا معاها كل حاجه، ومكنتش بتفوق غير بكده.
عمار: انتو متعلمين أنتو، بالله ردوا عليا ده تصرفكم مع واحده عندها حاله مرضيه، بجد مش عارف أقولكم إيه.
مي:خلاص اتفضل انت اتصرف، بس ياريت تلحقها لانها بتقلب بحمي وبتغيب عن الوعي اسبوع لو سبنها كده.
اقترب منها ودني من وجهها، و تلي بعض أيات القرأن بأنها، ظل يردد بعض الايات حتي استردت وعيها.
ميرال:عمار م مهند ا انا.....
عمار: هششش وحدي الله يا حبيبتي، وحدي الله.
مي:ميرال انتي كويسه.
ميرال: اه الحمدلله.
عمار: شوفتوا انكم كنتوا غلطانين، ارجعوا لربنا و إلجأو له وبلاش خرفات.
أحمد: بس احنا كنا.....
مي: خلاص يا أحمد، يلا بينا نخرج، وانتي يا ميرا قومي يلا غيري هدومك عشان عندنا معاد طيارة.
ميرال: حاضر، عمار بعد اذنك عاوزه اتكلم معاك.
إسلام: طب يلا بينا احنا بقي يا جماعه.
غادر الجميع الغرفه، وظلا بمفردهما بالغرفه، تعلقت أعينها بعينيه، وساد الصمت لحظات، إلي كسر الهدوء قائلاً.
عمار: ميرال انتي كان بيتهيألك.
ميرال: لا مش بيتهيألي يا عمار، أنا شوفته أنا شوفت اخويا.
عمار: ميرال دي كانت هلوسه من التعب.
ميرال: هلوسه صح طب وصوته اللي سمعته وحضنه اللي ضمني عمار مهند عايش.
عمار: ميرال انتي تعبانه، ولازم تريحي اعصابك، قومي اجهزي للسفر.
ميرال: عمار لازم......
عمار بغضب: ميرالين خلاص مفيش كلام في الموضوع ده.
ميرال: انت قولت ميرالين يبقي شكوكي صح، اتفضل اطلع بره عشان عاوزه اجهز نفسي، اتفضل.
إقرأ أيضا /الفصل الثاني من رواية لعنة ماريوكا
مطار أسوان
20:00
عمر:حمدالله علي السلامه موحشتونيش خااالص.
إسلام:الله يسلمك اومال في دكتور هاري.
عمر:دكتور هاري عند جدي في الجزيرة، انا هوديكم بيتي ترتاحوا فيه وبكرة هنروح لجدي.
مي: ياريت يكون بيتك في حته هاديه، عشان النهارده أعصابنا كلنا تعبت.
عمر:ما هو باين، انا قلبي كان حاسس.
أحمد:حصل خير ربنا يستر في اللي جاي بس.
مريم:طب إيه هنبات في المطار ولا إيه؟!.
عمر:لا يا انسه لمضه، العربيه برا اتفضلوا.
ميرال:أنا مش هركب العربيه و مش عاوزه اروح البيت.
مي:ميرال إنتي لازم ترتاحي مش وقت عند واستهبال.
ميرال:مش هروح معاكم أنا هتمشي ولوحدي.
مي:ميرااال.
عمر:خلاص يا مي اهدي، وانتي يا ميرال هعملك اللي انتي عاوزاه بس مش هتبقي لوحدك.
مي:يا عمر مينفعش ميرال...........
عمر:خلاص يا مي بقي اتفضلوا انتو، وانا و ميرال هنحصلكم.
استقل الجميع السيارة وغادروا، انجذبت لمقعد امام النيل، جلست وظلت صامته.
عمر:شوفتي إية هناك؟.
ميرال: عرفت منين اللي حصل؟.
عمر:ميرال كلنا عارفين اللي حصلك، وكلنا بنعرف ايه بيحصل لأي حد فينا، إحنا من يوم ما دكتور هاري خدنا المتحف القديم اللي في لندن واحنا أرواحنا متصله ببعض مصيرنا بقي واحد لو حد مننا مات هنموت كلنا، بس في فرق واحد بينا وبينكم أنتي ومي.
ميرال:إيه هو؟!
عمر:إننا مصدقين اللي انتو مش مصدقينه، ومش متجاهلين اللي أنتو متجاهلينه.
ميرال:لو متجاهلتوش هموت من حزني.
عمر:لو موجهتيش هتموت بالهم والوجع اللي في قلبك، اتكلمي وطلعي اللي في قلبك كده هتموتي بالبطيئ، وامشي ورا إحساسك عشان إحساسك صح.
ميرال:تقصد إن.......
عمر:يلا نرجع البيت عشان إنتي لازم ترتاحي.
ميرال:طيب.
إقرأ أيضا/الصدق
اشرقت شمس يوم جديد، لم يمر الا ايام قليله منذ عودتهم إلي ارض وطنهم و مدفن أبائهم واجدادهم، لم يكن احد منهم يوما كمثل البقيه كلاً منهم كان مختلفاً ومميزًا في أسرته، دراسته، وزملائه.
مي:صحيتي يا ميرا.
ميرال:اه يا مي منمتش أصلاً.
مي:ميرال عاوزه اكلمك في حاجه مهمه.
ميرال: خير يا مي قلقتيني.
مي: ميرال انتي وعمر لازم يبقي بينكم حدود أكتر من كده.
ميرال: مي انتي بتهزري صح، مي انتي أكتر حد عارف انه.....
مي: عمر بيحبك يا ميرال،وعمار حاسس بحاجه، وانتي عارفه عمار ممكن يعمل ايه.
ميرال:ولا هيقدر يعمل حاجه يا مي.
مي: لا يا ميرال هيقدر عمار مش قليل في البلد وانتي عارفه عمار ومهند الله يرحمه كانوا إيه و عمار كمل مشواره بعد اخوكي، وهيبقي سهل يأذي عمر.
ميرال:مش هيقدر يا مي.
مي:انني واثقه أوي ع اساس إيه.
ميرال: علي اساس اني مكتوب كتابي علي عمار.
مي: إيه؟!.
ميرال: مهند قبل ما يمشي كتب كتابي عليه في المستشفي شوفتي.
مي:ازاي يا ميرال، هو مش مهند كان وكانت حالته خطيرة و.....
ميرال:ده الكلام اللي اتقال لينا بس الحقيقه غير كده، احنا لازم نشوف ونحس بغير اللي الناس شايفاه وحساه.
مي:قصدك ايه؟!.
ميرال:قصدي اني شوفت مهند يوم ما رجعت من سقاره ومش تخاريف وتعب يا مي، انا كنت واعيه انا متعبتش الا لما شوفته، ومش مهند بس اللي عايش يا مي.
مي:قصدك إن.......
قطع حديثهم صوت طرقات خفيفه علي باب الغرفه.
مي:اتفضل.
عمر:مش ناويين تروحوا النوبة معانا ولا إيه؟!.
ميرال:احنا هنروح النوبة بجد.
عمر:ايوة هنروح لجدي هناك ده دكتور هاري من يوم ما عرفه وهو مابيفارقهوش لحظه.
مي:هو غير خطة المشروع ولا ايه؟!
عمر:لا عمل تعديل بسيط مش أكتر.
ميرال:واللي هو؟!.
عمر:لا مش هقولكم دلوقتي هقولكم لما نتجمع في المركب.
القاهرة
11:30 am
عمار:عاوز تقرير كل يوم ومتابعه لخط سيرهم لحظة بلحظه، وعاوز اعرف ليه الدكتور بتاعتهم غير خطة المشروع تمام.
اغلق الهاتف ونظر إلي صورتها، و تنهد بحزن قائلاً.
عمار:مش ناوي تكتم نزيف قلب أختك، وتشيل الحزن اللي في قلبها بقي.
إقرأ أيضاً /الفصل الثاني من رواية ميلاد شيطان
