مسلسل البرنس مسلسل درامى اجتماعى مصرى اتعرض فى رمضان 2020 وكان بطل المسلسل محمد رمضان وكان قايم بدور رضوان وكان بيشتغل سمكرى الـ ورث المهنة من والده وكان تحت طوعه خلافاً عن بقية أخواته الـ كان منهم تجار مخدرات ومنهم المدمن ومنهم الـ خرج عن طوع والده واتجوز رقاصة .
يشاء القدر ووالدهم يتوفى وتبقي كل الأملاك والفلوس مكتوبة لرضوان البرنس وإخواته محدش فيهم ليه نصيب فى حاجة فيقرروا ميسكتوش وينتقموا منه عشان يرجعوا حقهم .
اتفقوا وقرروا أنهم هيقتلوا أخوهم ومراته وولاده فى حادث عشان يبقا قضاء قدر ويقدروا ياخدوا الأملاك والفلوس.
بس مخرج المسلسل ليه رأى تاني أنه الزوجة والابن يموتوا بس يعيش رضوان البرنس .
هيدخل السجن بس مصيره فى يوم هيطلع ويأخد حق مراته وابنه من الـ قتلوهم وبالفعل طلع محمد رمضان وخد حقه فى تسع أيام بس وقدر يوقع كل واحد من إخواته فى شر أعماله.
منهم الـ اتسجن ومنهم الـ اتقتل والـ انتحر والـ خد منها جوزها وخلاها تعيش بحسرتها عليه وقبل كل دا علمهم أن الفلوس مش كل حاجة .
اقرأ أيضاً :غرام فى الكرنك.. والواقع الإفتراضي
الربط بين مسلسل البرنس والواقع الافتراضيّ بتاعنا...
كل الدول العربية والأجنبية بس الغالب الدول العربية فيها حوادث كتير مشابهة لقصة رضوان البرنس مع اختلاف الأسباب يعني فيه الـ ممكن يقتل أخوه عشان قطعة أرض أو شقة أو شويه فلوس لا بتقدم ولا بتأخر والـ بيدخلوا فى حوارات وقواضى ومحاكم وممكن يقاطع أخوه بالسنين ولايعرفوا حاجة عن بعض ولو واحد مات فيهم التاني متفرقش معاه ولا كأنهم من دم واحد.
عشان كدا الأهل ليهم دور كبير أوى فى حياة أولادهم لازم يعلموهم الحب والشبع وأن إيديهم فى إيد بعض الدنيا هتعدى وهتعيشوا فى سعادة وراحة بال .
وأن الفلوس والأملاك مش كل حاجة عمرهم ماهيخلوك مرتاح طول مانت عارف أنك ظالم حد وواكل حقه .
اقرأ أيضاً: بهذه الكلمات شريف منير يسخر من المتنمرين
اقرأ أيضاً:فتى مصر الأول محمود ياسين
