أجرت النجمة شيرين عبدالوهاب مكالمة هاتفية طويلة لبرنامج "كلمة أخيرة" الذي تقدمه الإعلامية لميس الحديدي عبر شاشة "ON"، وتحدثت شيرين عبدالوهاب عن علاقتها بطليقها " "حسام حبيب" وقالت:" عايزة أبتدي إني أتأسف إني كدبت عشان أخلي صورة إنسان تبقى كويسة وسألتها "لميس الحديدي" كذبتي في أيه؟ ردت "شيرين" في حاجات كتير أوي عشان أنا بنت أصول وعشان الإنسان دا لو حب يتجوز يعرف يتجوز، وأنا بصراحة نفسي يتجوز ويغور بعيد عني".
اقرأ أيضًا|شمس مصر|.. نجل حميد الشاعري يهاجم حلمي بكر
وتابعت شيرين:" أنا ست قاعدة فى أمان ﷲ مع العيال اللي شايفين الويل، ومكناش عايشين وبناتي مكنوش عارفين يقعدوا معايا وظروفي صعبة، عايشة مع زوج مبيشتغلش وتقريبًا عايشة 24 ساعة محبوسة في أوضة نومي ف أنا غلطت في حق نفسي وكنت فاكرة إني بحافظ على بيتي بس دا مكنش بيت دي كانت عشة فران، أنا كنت طول الوقت بحاول أجمل صورته، بس سوري يعني الناس مش هبل وعارفين إني بكدب، الراجل اللي كنت عايشة معاه لا بيشتغل ولا بينزل يشوف أهله ولا صحابه مبيعملش حاجه غير حب الامتلاك، فضلت جمبه وبدافع عنه وأنا ست خدامة الراجل اللي عايشة معاه ودا مش عيب، خسرني كل الناس أبويا وأخويا وأمي وصحابي لدرجة إنه حسسني فعلًا إن فيه مؤامرة إننا منكونش مع بعض وأنا صدقته، رغم إن الحقيقة غير كده دا لازم يتعالج نفسيًا، لو روحت غنيت وعملت فرح ناجح ينكد عليا لو روحت عملت إعلان ناجح نفس اليوم يتنكد عليا رغم إنه تريند".
اقرأ أيضًا|شمس مصر|.. دنيا سمير غانم تعلن موعد عرض فيلمها الجديد
وكشفت شيرين عبد الوهاب كواليس خلافها مع طليقها أيضًا من خلال البرنامج وقالت: "حسام حبيب طلب 10% من أرباح شغلي، أنا أتجوز قرد وما أرجعش ليه تانى ومش عايزة أعرف حد اسمه حسام تانى"، وأضافت "أنا أستاهل الضرب عشان طلعت قولت مابيخدش مني فلوس أنا آسفة للناس عشان كدبت عليكوا وهتعب عشان أرجع تاني شيرين اللى ضيعتها وعلاقتي بحسام عمرها ماهترجع تاني".
اقرأ أيضًا|شمس مصر|.. ميرهان حسين تفاجئ الجمهور بأحدث اطلاتها
وأضافت أيضًا " لما اتنيلت على عيني اطلقت رجعتله تاني بس بشروط كنت فكراه ابني مش جوزي بس، واهتميت بيه وعملت استوديو عشان شغلي وشغله، واشتريت ليه كل الأغاني اللي عجبته ب شيكات باسمي عشان أضمن إن الأغاني دي متروحش منه ألاقي بعد كده بيتهمني إني تخنت وبقيت شبه أمي، وأنا عايز واحدة رفيعة أتباهى بيها دا غير الخناقات اللي فيها ضرب وسحل على الأرض وشتيمة مفيش بني آدمة تقبلها على نفسها، أنا لما قصيت شعري وطلعت غنيت كان علشان بناتي ميتعقدوش ف أنا حسستهم إني عملت نيو لوك جديد وتعبت لما الناس شافتني بالمنظر دا"، واختتمت الإعلامية"لميس الحديدي" المكالمة باعتذار عن بعض الكلام الخاص بالتصريحات التي صدرت من الفنانة شيرين عبدالوهاب أثناء انفعالها خلال مداخلتها الهاتفية معها
