بعض الشخصيات الـ بنشوفها فى الأفلام والمسلسلات موجود زيها فى الدنيا بالظبط زي الدكتور والمهندس والمعلم وكل الشخصيات الـ بنشوفها دلوقتي ومن أهم الشخصيات ال موجودة شخصية المحامى وفي منها نوعين المحامى الشريف الـ بيدافع عن الحق والمظلوم، والمحامي الـفاسد الـ بيتعمد على الجريمة والنصب وبينصر الظالم.
---------
اقرأ أيضًا:تعرف علي صاحب الـ 18 زوجة
---------
وفى ممثلين كتير لعبوا دور المحامي منهم الشريف ومنهم الفاسد وكان من أوائل الممثلين الـ لعبوا دور المحامى هو
1- زكى رستم فى فيلم هذا جناية أبي سنة 1945 وكان ليه مرافعة فى المحكمة باللغة العربية الفصحة قائلاً: " لابد لي أن أتكلم حتي تعرفوا ويعرف المجتمع أنه إن كان فى هذه القضية مجرمُ ضيع هذه التعسة وساقها إلي الهاوية فهذا المجرم هو أنا".
2- سيدة الشاشة العربية " فاتن حمامة " والتي لعبت دور المحامية فى فيلم الأستاذة فاطمة سنة 1952 الفيلم كان بناقش قضية مهمة وهيا الست تنفع تبقا محامية ولا لئه برغم فشلها فى الأول بس قدرت تترافع عن حب حياتها وكسبت القضية وأثبتت أن الست تنفع تبقا محامية مستقلة وناجحة.
3- إبراهيم سعفان عمل دور المحامى لكن بشكل كوميدى فى فيلم 30 يوم فى السجن سنة 1964 والـ كان بيترافع فيها فى قضية عشان شنب موكله اتحرق.
4- الفنان الكبير أحمد زكى عمل دور صعب فى فيلم ضد الحكومة سنة 1988 والـ شوفنا فيه أزاي قدر أنو يتحول من محامي فاسد بيدعم الظلم لمحامى شريف بيدافع بيدافع عن الفساد وحقوق المظلومين قائلاً: " ادركت قانون السبيعنات ولعبت عليه وتفوقت
تاجرت فى كل شيء فى القانون والأخلاق والشرف أنا لا أنكر شيئاً ومستعد للحساب وتحمل المسئولية.
بل أكثر من ذلك اعترف أمامكم أننى دخلت هذه القضية طامعاً فى مبلغ تعويض ضخم لكننى اصطدمت بحالة خاصة شديدة الخصوصية جعلتنى أراجع نفسي أراجع موقفى كله أراجع حياتى وحياتنا اصطدمت بالمستقبل.
نعم صبي من الذين حكم عليهم أن يكونوا ضمن ركاب أتوبيس الموت
رأيت فيه المستقبل الذى يحمل لنا طوق نجاة حقيقى رايتنا نسحقه دون أن يهتز لنا جفن نقتله ونحن متصورون أن هذه هى طبائع الأمور.
كان لابد لى أن أقف أن هذه جريمة كبرى لابد أن يحاسب من تسبب فيها إنى لا أطلب سوى محاسبة المسؤلين الحقيقين عن قتل عشرين تلميذا لم يجنوا شيئاً سوى أنهم أبناؤنا.
---------
اقرأ أيضًا: جهاز حماية المستهلك يحسم الأمر بقرارات صادمة
--------
5- الفنان عادل أمام عمل دور المحامى فى أفلام كتير أوي زي فيلم خلي بالك من جيرانك سنة 1979 وعمل فيها دور المحامى الـ مش عارف أى حاجة عن القضية الـ بيترافع فيها .
وبعد كدا شوفناه فى فيلم الأفوكاتو سنة 1983 الـ كان قايم فيه بدور المحامى الـ كان أسمه حسن سبانخ الـ كان عنده طرق كتير عشان يكسب بيها القضية.
6- الفنان هانى رمزي لعب دور المحامى فى فيلم محامى خلع سنة 2002 والـ مسك فيه قضية خلع والدور كان معمول بطريقة كوميدية جداا وشهد مواقف مضحكة ضحكت الناس وقال خلال جلسة المحكمة " أننى أطلب الرحمة ارحموا هذه العصفورة ارحموها.
7- الفنان أحمد عز شوفناه فى فيلم ملاكى أسكندرية سنة 2004 الا كان بيترافع فيه عن موكلته وأخرجها من السجن وبعدين حبها واتجوزها لكن فى آخر الفيلم أكتشف أنها مجرمة وبلغ عنها.
وبكدا يكون اتكلمنا عن بعض الممثلين ال لعبوا دور المحامى فى السينما المصرية.
اقرأ أيضًا: لأول مرة العلامة التجارية تعاقد مصممة مصرية
