الو : ايوه يمصطفي انت فين ياصحبي
مصطفي: ايوه يامحمد نص ساعه وهبقي عندك فالقهوة
محمد: طيب انا قاعد مستنيك وهتصل باسامه يجيلنا علي هنا علشان مش هنحضر محاضرات النهارده
مصطفي : اشطه ياصحبي بلاش محاضرات ووجع دماغ
محمد: خلاص اشطه مستنيك
ياعم ابوملك غير حجر وقهوة زياده
ابوملك (صاحب القهوه) من عينيا يامحمد
انا هجيب فطار بسرعه عقبال ماالقهوه تجهز
وخرجت من القهوة وزهبت لكي اشتري فطار وبتصل باسامه : انت فين ياسمسم
اسامه : انا شوفتك يعم اهو تعالي نشتري فطار سوا
محمد: خلاص سلام
هتفطر ايه ياصحبي
اسامه : اي حاجه يامحمد
محمد: ياعم علي هات 3طلبات زي كل مره وزود البطاطس وابعتهم عالقهوه
اسامه: مالك يامحمد مبسوط النهارده وفرحان طيب فرحني معاك
محمد: فاكر ياض الحلم الي قولتلك عليه قبل كده
اسامه : ايوه يعم فاكرو حلمتوا تاني ولا ايه
محمد: ههههههلسه ياصحبي شايف البنت النهارده بنفس الشكل واللبس الي شوفتها بيه بكل التفاصيل الي شوفتها بيها
اسامه : يعم يمكن واحدة شبهها ولا حاجة
محمد: لايعم هيا والله بكل التفاصيل بالظبط
اسامه : طيب عملت ايه
محمد : معملتش حاجة سيبها بظروفهاووصل مصطفي وفطرنا وروحنا عالجامعه علشان نشوف الجدول وبعد السلام علي الاصحاب والاحباب
اسامه : يامحمد بقولك ايه
محمد: قول ياصحبي
اسامه: بص هناك كده مش الرسمه بتاعتك الي وريتهالي شبه البنت دي بالظبط
ويتبع
اقرأ أيضاً: الفصل الاول نقطه التحول من روايه الكرسي الملعون
اقرأ أيضاً: الفصل الثاني من روايه اريوس متعطش الارواح
اقرأ أيضاً: الفصل الرابع ما بعد المفاجأه من روايه تلاعب الاقدار
