الصحاب أنواع منه صاحب يعلمك معنى العيلة صاحب يعلمك الحنية، صاحب يعلمك الكرم، صاحب يعلمك الوفاء، صاحب يعلمك الخذلان، صاحب يحسسك أنك وحش .
أهم حاجة في الصحاب أنك تختار صح علشان ما ترجعش تندم في الآخر.
نتكلم عن الصاحب اللي بيعلمك معنى العيلة، الصحاب من كلامك معهم بتحس أنكم أخوات، أنكم من دم واحد بيخاف عليك بيساعدك ويطمنك بيحل لك مشاكلك دائما واقف جنبك في الأحزان قبل الأفراح هو الصاحب اللي لما تكون محتاج لحد وأول واحد بتفكر فيه وعارف أنه مش هيخذلك.
________________
اقرأ أيضاً/روحى تتلاشى وقلبى يحترق
________________
أما الصاحب اللي يعلمك الحنية ده لما تكون في عز وجعك كدة بيجى يطبطب عليك لما تكون عايز تعيط هو اللي بيجي يمسح دموعك وفي صاحب بيعلمك الكرم ازاي، أنه بيديك من غير مقابل بيديك الحب والحنان من غير ما يكون مستني منك حاجة بيديك كل حاجة أنت عايزها بيحاول يخفف عنك كل حاجة والصاحب اللي بيعلمك الوفاء هو اللي بيكون مخلص ليك طول عمره وعمره ما بيتخلى عنك ولا بيسيبك لوحدك .
________________
اقرأ أيضاً/الحب حول العالم
________________
اما الصاحب بقى اللي بيعلمك الخذلان ده اللي بيحسسك قد ايه كان قرارك غلط ويحسسك أنك مختارتش صح أو حظك كان وحش بيحسسك إن الدنيا مش كويسة والناس بقت وحشة كله بتاع مصلحته بيخليك تكره نفسك أو تسأل نفسك هو أنا وحش هو أنا وحش للدرجة دي إن يحصل معايا كدة لدرجة أن الصاحب اللي كنت بحبه يطلع بيكرهني للدرجة دي .
بس مش كل الصحاب وحشة في منها الكويس وفي منها الوحش قبل ما تختار اختار الصح حاول تختار الصح اللي هيفيدك ويساعدك واللي هيحل لك مشاكلك كلها ما تاخدوش بالظواهر شوف المعاملة، و بالعشرة شوف المواقف .
________________
اقرأ أيضاً/الحب فى مصر
________________
المواقف اللي تعرفك مين الصاحب الجدع من الصاحب اللى مش جدع اختار صح .
الصحاب مش كام ضحكة ولا كام ساعة هزار الصحاب هي اللي تقدر تمسح دموعك وقت وجعك ويفضل جمبك وقت فرحك الصحاب مواقف وأفعال مش كلام.
