ظهرت نيفين مندور كضيفة مع الإعلامية ياسمين عز في برنامجها "كلام الناس"، والذي يتم عرضه على قناة "Mbc مصر"، وكشفت من خلاله عن القبض عليها وحقيقة تعاطيها المخدرات، حيث تحدثت عن أن الموضوع لم يكن يمسها بل كان يخص والدها، وذلك من خلال قولها: "الموضوع ده بيضايقني، الموضوع كان خاص بوالدي مش بيا خالص، بس هما حبوا يكسروه بيا، وأنا اللي روحت في الرجلين، وهو كان ﷲ يرحمه ما بين نارين، بنته وسمعته وكمان سمعت بنته".
اقرأ أيضًا/موسم دراما رمضان 2022
وعن نظرة الناس لها أضافت: "الحمد لله أخدت براءة من أول دقيقة ومحدش قدر يشكك فيها، وفكرت كتير أوضح للناس لكن لقيت كل ردود الفعل معايا، 90% من الناس كانوا شايفني بصورتي الحقيقية، مش هصلح صورتي لشوية ناس مريضة، اللي عايز يصدقني يصدق واللي مش عايز عنه ما صدق، أنا اللي بيني وبين ربنا وأهلي هو اللي يفرق ".
اقرأ أيضًا/ندم فردوس عبدالحميد لعدم إكمالها ليالي الحلمية
وأيضًا تحدثت عن حقيقة زواجها من الفنان محمد سعد، والذي عملت معه خلال فيلم "اللي بالي بالك"، وذلك عام 2003، وردت على الشائعات قائلة: "سمعتها من ناس كتير بتشوفني في الشارع وبيقولولي هو إنتِ بجد مرات محمد سعد! أقولهم لأ، ومخوفتش من كده عشان طالما دخلتي الوسط فهتبقي معرضة للإشاعات فخلاص شر لابد منه".
اقرأ أيضًا/وفاء سالم تحكي حقيقة مرضها النفسي
وتحدثت عن أسباب ابتعادها عن الفن حيث قالت: "سبب ابتعادي عن الوسط الفني، إن والدتي كانت مريضة، وهي كانت أولى بكل دقيقة من وقتي أكون معاها وأساعدها، وأيضًا شعرت بخوف شديد بعد نجاح فيلم "اللي بالي بالك"، وكنت دائمًا في حيرة بين الخوف والسعادة"، وتابعت: "لما قررت أرجع للتمثيل، بابا قالي لأ بلاش، وبابا كان شديد مع الناس كلها، إلا أنا، وقالي دا رأيي، فمحبتش أزعله".
