_ يا حلو صبح يا حلو طُل ياحلو صبح نهارنا فُل
_ يا سلام عليك يا زين أقعد بقى
_ أقعد بقى !! لا دا كدا يبقي في حاجه، الجميل ماله
_أنت فايق أوي إنهارده..
_و حد يشوف الجمال دا كله و يسكت دا حتى حرام ..
_ و ليه متسكتش و يكون الصمت في حرم الجمال جمال يامغفل
_مغفل !! يا الله أنا بقيت مغفل
_ أنت فرحان ؟!
_أكيد مش بقيت مغفل هه
*يلا بقى عشان نروح نخلص المشروع خلينا نتخرج على خير*
_ مش عارفة أنت متسربع على التخرج كدا ليه..؟
يلا بينا يا سيدي هنروح فين ..
« عند الإله ماعت »
ما إيه.. إزاي يعني؟!
_ أنتي لسه هتندهشي يلا بينا..
الإله ماعت دي بقى ياستي إله الحق و العدل و النظام في الكون و دي شكلها بيكون على هيئة سيدة و على رأسها ريشة وفي إيديها مفتاح الحياة (عنخ) و الإيد التانية في إيديها صولجان الحكم.
_ و إيه كمان يا عم العالم..؟
_سبيني أكمل ياجاهلة
_ إتفضل
_ إحنا رايحين لمكان الإله ماعت بس مش هنكتب عنها؛ لأن حكايتها معروفة لكل الناس، إحنا هنمسك قضية مختلفة إحنا هنمسك قضيه (ماكينا و مايسون).
_ و دول مين بقى ؟
_ إحنا وصلنا المعبد يلا..
_ معبد و ماكينا!! لا لا زين أنت كويس هه؟!
_ داليدا مش وقته؛ خلينا نخلص من المشروع عشان نتخرج و نتجوز في أيامنا الحلوة دي
......
_ ساكتة ليه مالك!
داليدا داليدا حاسبي مالك؟!! داليداا ...
_____________________
_ أنتي كويسة دلوقتي!
_ هو حصل إيه؟!
_ أنتي مش فاكره اللي حصل؟!
_ لا هو حصل إيه؟
_ أول ما دخلنا المعبد أنتي فضلتي ساكتة و بتتفرجي على المعبد و أول ما وصلنا لمكان ماعت سجدتي على الأرض كأنك بتدعي.. وبعدها فِضلت أندهلك؛ فجأة اغمي عليكي وجيبتك على هنا بسرعة.
اقرا ايضاً: يحكي لي جدي
_ أنا مش فاكرة أي حاجة من دي..
_ طب حاولي تفتكري إيه إلى حصل
_ أنا فاكرة إننا دخلنا المعبد و حسيت كأن المعبد بيتحرك و كنت شايفة ناس بهيئة الفراعنة، مكنتش شيفاكوا أنا شفت الفراعنة و كنت بتكلم معاهم بلغتهم لحد ما شوفت ماكينا و مايسون على نقش من النقوش ماكينا كانت شبيهتي؛ كنت حاسة إني شايفة نفسي في المرايا، بعدها فضلت أدعي للإله ماعت اللي قولتلي عليها و إحنا ف الطريق و كنت شايفة كل حاجه كأني عايشة ف العصر دا صدقني؛ وبعدين مايسون ندهلي..
_مايسون مين ؟ مايسون بتاع التخرج
_أه.. هو قالي ماكينا وقتها أنا معرفش إيه حصل و فجأة لقيتك أنت دلوقتي ..
_ مش معني إني قولتلك هنكتب عنهم تبدأي تخترعي قصص وهمية عشان نعيش في الأجواء لا خالص ..
_ أنا مش بخترع قصة صدقني..
_ بس دا إزاي! إرتاحي دلوقتي و أنا هسأل حد متخصص
_لا أنا عايزة أروح المعبد تاني..
_ تاني!!
_افهم بس أنا هناك ببقي أقوى ببقي ماكينا و أنت عايز نخلص المشروع بمعلومات عنهم فما بالك بماكينا نفسها معاك!!
_لا أقنعتيني يلا ياستي
__________________
_دلوقتي أنا فهمت إيه بيحصلك أول مابنروح المعبد..
_ إيه؟
_ تناسخ الأرواح.. أنتي ماكينا و دا بيفسر أنتي ليه دايماً بتتغيري أو بتغيبي عن الوعي و بتكوني ماكينا في الوقت دا و دا بيرجع لتناسخ الأرواح
اقرأ ايضاً: التخاطر الروحي
_مش فاهمه يعني إيه !
_إحنا بنسمع دايماً عن التناسخ، وعارفين إنها غير موجودة في كل الديانات و المذاهب، و لكن موجودة في بعض الديانات و المذاهب و الطوائف مثل الهندوسية، السيخية، الجاينية، البوذية، الطاوية، الفلسفة اليونانية، اليهودية، الصوفية، الدرزية و ديانات السكان الأصليين الأمريكيين (المايا والأنكا)..
[ تناسخ الأرواح]...
هو انتقال الروح وتقمصها في جسد شخص آخر، ليعيش الشخص الآخر حياة أشخاص آخرون و بيعرف كل شيء عنهم بالتفصيل، و حتى ما كانوا يشعرون في حياتهم ، و ما عاشوه في حياتهم السابقة، وبالرغم إنه ميعرفش عنهم شئ في الحقيقية، و لا يعرف مين هما و ربما مسمعش بقصصهم و لا بأسمائهم، فيجعل الكل يستغرب و يبصوا عليه بتعجب و دهشه و فزع كبير، مبيفهموش و لا بيصدقوا اللي بيحصل قدامهم ولكن بيؤمنوا أنه حقيقي جدا، فهل تناسخ الأرواح
اقرأ ايضاً: الخرافات
موجود في العالم؟!
دا السؤال اللي بيرواد الكل لحد دلوقتي و العالِم ستيفيون قام بالتجربه على ٢١٠ طفل و ثبت دا فعلاً؛ دا غير إن في قصص كتير غيرها بتثبت إن دا موجود فعلاً..
_أنت عايز تقول إن أنا ماكينا، أو روح ماكينا رجعت تاني لعالمنا فيا أنا و دا بيفسر كل اللي حصل، و إن إزاي أنا أعرف كل المعلومات بالتفاصيل الدقيقه دي...
_ وبيوضح أد إيه أحنا هننجح بتفوق في البحث ياماكينا هه..
________________
قد تكون روحك مشابهة لشخصية عظيمة من عظماء فقد تكون كنت عالم أو حاكم وعدت لحياتنا من جديد .
اقرأ ايضاً: تؤام الروح