الكاتب محمود مرعي

السلام عليكم متابعين في كل مكان كل عام وانتم بخير وصحة وسعادة يارب  النهاردة معنا شاب طموح في ظل بيئة لايدعم فيها أحد عضو من فريق تاريخ وآثار مهمة الفريق نشر الثقافة وزيارة الأماكن الآثارية وغيرها من الانجازات تعالوا نتعرف علية أكتر! 
اهلا بحضرتك يااستاذ محمود انا سعيدة بوجودك النهاردة ممكن تعرفنا بنفسك أكتر؟ 
اهلا بيكي يا أستاذة دنيا 
 انا اسمي / محمود مرعي
عندي/ 21
موهبتي/ الكتابه والشعر 
من/ مدينة دسوق 
محافظة/ كفر الشيخ 
ماهو مؤهلك الدراسي؟ كليه التربيه قسم جغرافيا هندسه مساحه وخرائط Gis. 
كيف اكتشفت موهبتك؟ هيا موهبتى من زمان معايا كنت دايما بحب الشعر وكنت بحب اسمع للشعراء ومن خلال كده كنت بقرا الشعر كتير وكنت بحاول اقلدهم والأمر كان سهل معايا فحبيت الموضوع وانى اكتب الشعر والروايات فستمريت فى الموضوع 
كيف قمت بتطويرها؟ اول حاجه انى بسمع للشعراء واتعلم منهم اكتر اسلوب الشعر وغير انى كنت بسمع لآراء غيرى لو كان رأى ايجابى فدا بيحفونى اما لو كان رأى سلبى اى بمعنى الرأى نفسه بيقول أن فيه خطأ كذا وكذا كنت بركز على الأخطاء دى واخد بالى منها واشترك فى جماعات تؤدى الشعر بطريقه كويسه بحيث اتعلم منهم اكتر واطور من نفسي وديما اخلى بالى من اقل تفصيله 
ماهي أهم أعمالك؟ قمت بكتابه المقالات وشعر فى مجال الجغرافيا كمان غير انى كتبت روايات كتير زى رواية الغابه والبيت الكبير 
ماهو أخر عمل قمت به من موهبتك؟ انا طبعا باجيد الكتابه والشعر لكن اخر عمل قمت به وكتبته هو مقال عن الملك بطليموس الاول 
مين بيشجعك؟ امى وأبى وصحابى دايما بيشجعونى على الافضل 
هل واجهت صعوبات؟ اكيد طبعا لازم أواجه صعوبات لان كل مرحله بتعدى علينا هنواجه كتير واحنا لازم منستسلمش بسهوله لان اى ازمه اكيد هتعدى والصعوبات كتير ومتنوعه بس احنا نفضل على مبدانا ومفيش حاجه تهزنا ونكون عارفين بنعمل اى ونتخطاها 
كيف تغلبت عليها؟ مكنتش بتستسلم بسهوله غير انى بواجه الصعوبات دى بكل قوه واتغلب عليها علشان لو انا استسلمت يبقا انا ضعيف والضعف مش كويس فلازم أن احنا نجمد قلوبنا فى اى صعوبات بتوجهنا ونستمر ومفيش حاجه مش بتعدى بس الصبر اهم حاجه 
ماهي طموحاتك في المستقبل؟ والله طموحاتى انى اكون شاعر زى الشعراء الكبار غير انى اكون كاتب روايات والله ولى التوفيق 
قم بتوجيه رسالة للشباب المبتدئة؟ استمروا مهما وجهتم صعوبه فى الأمر كل حاجه بتعدى لازم نصبر ولازم نستحمل واشتغل على نفسك اكتر وطور من نفسك مش تستسلم بسهولة خلى عندك يقين بالله انك تقدر وخليك دايما داثق من نفسك الثقه اهم حاجه وهيا المطلوبه. 
في النهاية ربنا يوفقك يارب ويسعدك بجد أبدعت بتمنى لك النجاح فيما هو قادم بشكرك وبشكركم متابعين الكرام كان معاكم دنيا ثابت.