معنا اليوم نموذج مشرف من الفتيات التى حققت الكثير من الانجازات في مجال المسرح والفن وهي فنانة وموهبة شابة ليها العديد من النجاحات والتنوع ومازالت تسعى لتحقق احلامها وإنجازاتها وهي اليوم في استضافة جريدة شمس مصر
اهلا بيك استاذة وردة في جريدة شمس مصر الاخبارية قبل اي حاجه انا وكل فريق شمس مصر مبسوطين من الحوار مع حضرتك
الشرف ليا يا فندم أن أكون مع حضراتكم
في بداية حابين نتعرف بيكي
انا اسمي وردة أحمد
ممثلة مسرح عملت العديد من المسرحيات
اشتغلت في 15عرض مسرحي أهمها مسرحيه عاوز ولد و ديشا ڤو وبأذن الله يوم 27 هعرض مسرحيه المتسولين من إخرجي على مسرح عبد المنعم جابر
طيب ممكن تكلمني اكتر عن مسرحيه المتسولين خدت منك وقت قد اي وهل كان في عقابات ولو في اتعاملتي معاها ازاي
مسرحيه المتسولين مسرحيه نادره من نوعها أن مخرجين تفكر أنها تشتغلها لأنه حاجه واقعيه كلنا عايشنها حبيت إن اشتغلها المسرحيه رسالة مجتمع من اخراجي
و أيوة أكيد واجهتني صعوبات كتير جدًا بس مفيش نجاح من غير صعوبات
و آلحمد لله شغالين فى المسرحيه و بتمنى وجود عدد كبير جدًا من الجمهور لأن مسرحيه بجد واقعيه جدًا و بتمنى الرساله بتاعتها توصل لي كل أب و أم بيعاملوا أولادهم وحش
المسرحيه خدت 3 شهور بسبب مكنتش لاقيه يوم فاضي فى المسرح كان زمنها اتعرضت
طيب حابه توجهه رساله لحد كان بيشجعك من خلال الجريدة
اكيد طبعًا اهلي
و صاحبتي امنية
و جوزيف
اكتر ناس واقفه جنبي بجد الفترة دي و بيشجعوني جدًا أني أكمل و حابة اشكر كل ألكاست على المجهود اللي بيبذلوه عشان يطلعوا حاجه مشرفه و تليق بالجمهور
طيب ممكن تقوللنا تصريح لجريدة شمس مصر بتحضري لي أي الفتره الجايه هل في حاجه تانيه غير مسرحية المتسولين
بعد العرض ده بحضر لي عرض مسرحي من العيار الثقيل بجهزلوا بقالي فترة
تحبي تقولي اي للشباب اللي حابة مجال المسرح يبدأوا ازاي عشان يكونوا ممثلين شاطرين
حبه اقولهم أن المسرح ده عالم تاني لازم اهم حاجه تكون عندك ثقه بالنفس انك هتقدر لازم تعافر لازم تاخد دور صغير و تعافر أنك بعدها تاخد دور كبير تعافر أنك تتشاف محدش بيبدأ كبير لازم نعافر عشان نوصل لازم نسمع نصايح لازم نتعلم
المسرح الأبداع فى مبيخلصش
في نهاية الحوار انا وكل فريق شمس مصر بنتمنى ليكي التوفيق فيما هو قادم
