التزمت الفنانة دينا الشربيني بتجنب ذكر اسم النجم عمرو دياب أثناء حديثها عن تجاربها العاطفية السابقة ولكنها بنفس الوقت أكدت صعوبة نسيان تجاربها العاطفية لوجود "الذكريات والعشرة" وأشارت إلى أنها لا تستطيع الحياة بدون قصة حب وتحدثت عن علاقتها المميزة بزوجة دياب الأولى الفنانة شيرين رضا كما تمنت تجسيد شخصية الفنانة نبيلة عبيد في عمل درامي.
اقرأ أيضًا/شاكيرا تنفي ارتباطها بمدربها الخاص
وقالت دينا الشربيني في تصريحات لبرنامج "يلا نحكي": أنا محبتش كتير، ولما بحب بحب أوي، وممكن أحب شخص من أول نظرة ومقدرش أحب واحد تقيل الدم لازم يكون لذيذ دي مهمة جدًا بحب الرجالة اللي دمهم خفيف ولكن في نفس الوقت تكون شخصيتهم وقورة ومتزنة".
اقرأ أيضًا/المشاهير ينعون الراحل مفيد فوزي
كما تحدثت أيضًا عن انفصالها العاطفي خلال الفترة الماضية قائلة: مفيش حد هتبقي بتحبيه هتنسيه بسهولة علشان فيه عشرة وحاجات كتير، ولكن أنا عندي الحمد لله حاجة كويسة وهى فكرة الرضا والتأقلم يعني أنا هقاتل علشان حاجة أنا هقدر أعملها ولكن مش هقاتل على حاجة خلاص مش هتنفع كما أكدت دينا الشربيني أنها تعيش حالة من التوازن على المستوى الشخصي بين الحب وعملها مشيرة إلى أنها تحب عملها بدرجة كبيرة موضحة: أنا بحب إحساس الحب جدًا، ودايمًا بقول إن الحب مش معناه حب بين واحد وواحدة أو واحد ومراته الحب عمومًا بين الناس والأهل والأصحاب فكرة الحب بحبها وبحب الشغل أوي ولكن لازم يكون فيه توازن وأنا الحمد لله عايشة حالة التوازن دي".
